ஹாட்ரிக் வெற்றியை பதிவு செய்த பாலகிருஷ்ணா!

பாலகிருஷ்ணா : சினிமா நட்சத்திரம் நந்தமூரி பாலகிருஷ்ணா, ஆந்திர பிரதேசத்தின் ஹிந்துபூர் தொகுதியில் மூன்றாவது முறையாக வெற்றி பெற்று ஹாட்ரிக் சாதனையை எட்டியுள்ளார்.

பாலகிருஷ்ணா, தனது தந்தை மற்றும் தெலுங்கு தேசம் கட்சியின் நிறுவனர் என்.டி. ராமா ராவ் அவர்களின் மரபைப் பின்பற்றி இந்த வெற்றியை தக்கவைத்துள்ளார். ஹிந்துபூர் தொகுதியில் 2014 முதல் 2024 வரையிலான மூன்று தேர்தல்களிலும் வெற்றி பெற்று, தனது குடும்பத்தின் அரசியல் செல்வாக்கை உறுதிப்படுத்தியுள்ளார்.

என்.டி. ராமா ராவ், ஹிந்துபூர் தொகுதியை 1985 முதல் பிரதிநிதித்துவப்படுத்தி வந்தார், அப்போதிலிருந்து இந்த தொகுதி தெலுங்கு தேசம் கட்சியின் முக்கிய கோட்டையாக இருந்து வருகிறது.