#Accident:ஜம்மு காஷ்மீரில் மினி பஸ் விபத்து 11 பேர் உயிரிழப்பு !

ஜம்மு காஷ்மீர் மாநிலம் பூஞ்ச் மாவட்டத்தில் புதன் கிழமை அன்று மினி பஸ் ஒன்று பள்ளத் தாக்கில் விழுந்ததில் 11 பேர் உயிரிழப்பு மற்றும் பலர் படுகாயமடைந்துள்ளனர்.

பூஞ்ச் மாவட்டத்தின் சாவ்ஜியான் கிராமத்தில் மினி பஸ் சென்று கொண்டிருந்த போது எதிர்பாராத விதமாக பள்ளத்தாக்கில் விழுந்ததில் இதுவரை 11 பேர் உயிரிழந்தனர். பள்ளத்தாக்கில் சிக்கியவர்களை மீட்கும் பணியை அப்பகுதி மக்கள் மற்றும் ராணுவத்தினர் மேற்கொண்டு வருகின்றனர்.

காயமடைந்த பலர் மாண்டி யிலுள்ள மருத்துவமனைக்கு மாற்றப்பட்டுள்ளதாக மாண்டி தாசில்தார் ஷெஹ்சாத் லத்தீப் தெரிவித்துள்ளார்.

ஜம்மு காஷ்மீர் லெப்டினன்ட் கவர்னர் மனோஜ் சின்ஹா இது குறித்து கூறும் போது, இறந்தவர்களின் குடும்பங்களுக்கு இரங்கல் தெரிவித்துள்ளார். மேலும் காயமடைந்தவர்களுக்கு சிறந்த சிகிச்சை அளிக்குமாறு அதிகாரிகளுக்கு உத்தரவு அளித்துள்ளார், இறந்தவர்களின் குடும்பங்களுக்கு 5 லட்சம் ரூபாய் நிவாரணம் அறிவித்தார்.

ஜனாதிபதி திரௌபதி முர்மு விபத்தில் இறந்தவர்கள் குறித்து வருத்தம் தெரிவித்துள்ளார். தனது ட்விட்டர் பக்கத்தில், “பூஞ்ச் ​​மாகாணத்தில் உள்ள சாவ்ஜியனில் நடந்த சாலை விபத்தில் உயிர் இழந்தது மிகுந்த வேதனை அளிக்கிறது” என்று கூறியுள்ளார்.

மேலும் ஜனாதிபதி கூறியதாவது, “எனது எண்ணங்களும் பிரார்த்தனைகளும் உயிரிழந்த குடும்பங்களுடன் உள்ளன. காயமடைந்தவர்கள் விரைவில் குணமடைய வேண்டுகிறேன்” என்று ட்வீட் செய்துள்ளார்.