தமிழகத்தில் பிரபலமான சுற்றுலா தளங்களில் கன்னியாகுமரி முக்கியமானது. அங்க சுற்றிப்பார்க்க சூரிய உதயம் காண கடற்கரை, விவேகானந்தர் மண்டபம், காந்தி மண்டபம், திருவள்ளுவர் சிலை, விவேகானந்தர் சிலை போன்ற பல இடங்கள் உள்ளன.அதே போல கன்னியாகுமரி ரயில் நிலையம் அருகே உள்ள மாயாபுரி மெழுகு சிலை அருங்காட்சியகமும் மிகவும் பிரபலமானது. இந்த மெழுகுச் சிலை அருங்காட்சியகத்தில் இந்திய பிரபலங்கள் பலரது மெழுகு சிலை உள்ளது. இதில், முன்னாள் குடியரசுத்தலைவர் ஏபிஜே அப்துல் கலாம், அமிதாப்பச்சன், மன்மோகன் சிங், அன்னை தெரசா, மோகன்லால், ஷாருக்கான், பாரக் ஒபாமா என பலரது மெழுகுச் சிலைகள் இங்கு வைக்கப்பட்டுள்ளது.
unknown nodeஇங்கு தமிழ் நடிகர்களின் மெழுகுச்சிலை இதுவரை வைக்கப்படாமல் இருந்தது. நிலையில் விஜய் மக்கள் மன்றம் சார்பில் தளபதி விஜய்யின் மெழுகு சிலையை தற்போது நிறுவியுள்ளனர். இதனை விஜய் ரசிகர்கள் மட்டுமின்றி அங்கு வரும் சுற்றுலா பயணிகள் பலரும் கண்டு ரசித்து செல்பி, போட்டோக்கள் என எடுத்து வருகின்றனர். தமிழ் சினிமா நடிகர்களில் முதன் முதலாக தளபதி விஜயின் மெழுகுசிலை வைக்கப்பட்டுள்ளதால், ரசிகர்கள் கொண்டாட்டத்தில் உள்ளனர்.