இதயத்தை மட்டுமில்லாமல் பல விருதுகளையும் வெல்வார் ஜெயராம் என்பது உறுதி – நடிகர் சிரஞ்சீவி.!

ஜெயராம் நடித்து முடித்துள்ள சமஸ்கிருத படமான நமோ படத்தின் டிரைலரை வெளியிட்ட சிரஞ்சீவி ஜெயராமின் உருவ தோற்றத்தை கண்டு பிரமித்துப் போயதாக கூறியுள்ளார்.

நடிகர் ஜெயராம் மலையாளத்தில் பல படங்களில் நடித்து வருகிறார். அந்த வகையில் விஜீஷ் மணி இயக்கத்தில் அவர் நடித்து முடித்துள்ள திரைப்படம் ‘நமோ’. புராண படமாக உருவாக்கயுள்ள இந்த படத்தில் கிருஷ்ணரின் நண்பரான குசேலனாக ஜெயராம் நடித்துள்ளார். ஏற்கனவே மெலிந்த உடல் மற்றும் மொட்டை தலையுடன் உள்ள பர்ஸ்ட் லுக் போஸ்ட்ர் வெளியாகி ரசிகர்கள் மத்தியில் பெரும் எதிர்பார்ப்பை ஏற்படுத்தியது.

இந்த நிலையில் தற்போது இந்த படத்தின் டிரைலரை நடிகர் சிரஞ்சீவி வெளியிட்டுள்ளார். அதனுடன் அவர் ஜெயராமின் தோற்றத்தை கண்டு பிரமித்துப் போயுள்ளதாகவும், அவர் இந்த படத்தின் மூலம் பல இதயங்களை வெல்வதுடன் விருதுகளையும் வெல்வார் என்பது உறுதி என்று சிரஞ்சீவி கூறியுள்ளார்.