படத்துக்கு 10 கோடி விளம்பரத்துக்கு 5 கோடி? அதிர வைக்கும் நயன்தாரா சம்பளம்!

நடிகை நயன்தாரா தான் தென்னிந்திய சினிமாவில் அதிகம் சம்பளம் வாங்கும் நடிகையாக திகழ்ந்து வருகிறார். ஐயா படத்தில் நடித்ததன் மூலம் அறிமுகமான அவர் 16 ஆண்டுகளாக சினிமாவில் கலக்கி கொண்டு இருக்கிறார். இதுவரை 80 படங்களுக்கு மேல் நடித்திருக்கும் நயன்தாரா முன்னணி நடிகையாக வளர்ந்த பிறகு ஒரு படத்தில் நடிக்க 10 கோடி வரை சம்பளம் வாங்கி வருகிறார்.

கடைசியாக அவர் ஷாருக்கானுக்கு ஜோடியாக பாலிவுட்டில் ஜவான் திரைப்படத்தில் நடித்து இருந்தார். இந்த திரைப்படத்தில் அவருடைய கதாபாத்திரத்திற்கும் நல்ல வரவேற்பு கிடைத்தது. இந்த படத்தின் வெற்றியை தொடர்ந்து அடுத்ததாக நயன்தாரா சில படங்களில் நடித்தும் நடிக்க கமிட் ஆகி வருகிறார்.  இதற்கிடையில், படங்களை தவிர மற்ற நடிகைகளை போல விளம்பர படங்களிலும் நடிகை நயன்தாரா நடித்து வருகிறார்.

சிவகார்த்திகேயன் நீண்ட நாள் கனவை நிறைவேற்றும் லோகேஷ்.! தலைவர் 171 படத்தின் சூப்பர் அப்டேட்…

அந்த மாதிரி விளம்பர படங்களில் நடிக்க அவர் எத்தனை கோடி சம்பளம் வாங்குகிறார் என்ற தகவலும் கிடைத்துள்ளது. அதன்படி, அவர் விளம்பர படங்களில் நடிக்க சம்பளமாக 5 கோடி கேட்கிறாராம். அவர் சினிமாவுக்கு வந்து பல ஆண்டுகள் ஆகியும் முன்னணி நடிகையாக இருப்பதால் அவர் ஒரு விளம்பரத்தில் நடித்தால் அந்த விளம்பரம் பெரிய அளவில் வெற்றி பெரும் என்பதால் அவருக்கு பட வாய்ப்புகள் குவிந்து வருவது போல விளம்ப படங்களில் நடிக்கவும் வாய்ப்புகள் குவிந்து வருகிறது.

எனவே, அவர் கேட்கும் சம்பளத்தையும் நிறுவனங்கள் கொடுத்து தங்களுடைய நிறுவனத்தின் விளம்பரங்களில் அவரை நடிக்க வைத்து வருகிறது.  அவரும் விளம்பர படங்களில் நடிக்க மறுப்பு தெரிவிக்காமல் நடித்து கொடுத்து வருகிறார். இருந்தாலும் ஒரு விளம்பர படத்தில் நடிக்க அவர் 5 கோடி சம்பளமாக கேட்பதாக வெளியான தகவல் கோலிவுட் சினிமாவில் ஆச்சரியத்தை ஏற்படுத்தியுள்ளது.

மேலும், நடிகை நயன்தாரா நடிப்பில் வெளியாகியுள்ள அன்னபூரணி படம் கலவையான விமர்சனத்தை பெற்று வருகிறது. இந்த படத்திற்கு பிறகு அவர் மண்ணாங்கட்டி படத்தில் நடித்து வருகிறார். அதனை தொடர்ந்து அருண் ராஜா காமராஜ்  இயக்கத்தில் உருவாகவுள்ள ஒரு திரைப்படத்தில் நடிக்கவுள்ளார். அந்த படத்திற்கான அதிகாரப்பூர்வ அறிவிப்பு வெளியாகும் என்பது குறிப்பிடத்தக்கது.