வணங்கான் :சூர்யா நடித்து வந்து பாதியில் விலகிய ‘வணங்கான்’ படம் அப்டியே டிராப் ஆகிவிடும் என செய்திகள் வெளியான நிலையில், இயக்குனர் பாலா நடிகர் அருண் விஜய்யை வைத்து படத்தை இயக்க ஆரம்பித்தார். சூர்யா தான் படத்தை தயாரித்து வந்த நிலையில், படத்தில் இருந்து அவர் விலகியதை தொடர்ந்து தயாரிப்பாளர் சுரேஷ் காமாட்சி படத்தை தயாரிக்க முடிவெடுத்து படத்தை தயாரித்து கொடுத்துள்ளார்.
படமும் எந்த வித பிரச்சனையும் இல்லாமல் முழுவதுமாக முடிந்து ரிலீஸ் ஆக ரெடியாக இருக்கிறது. ரோஷினி பிரகாஷ், ரிதா, சமுத்திரக்கனி, மிஸ்கின், உள்ளிட்ட பல பிரபலங்கள் படத்தில் முக்கியமான கதாபாத்திரங்களில் நடித்துள்ளார்கள். படத்திற்கு இசையமைப்பாளர் ஜிவி பிரகாஷ் இசையமைத்து வருகிறார். படம் இந்த மாதம் இறுதியில் வெளியாக வாய்ப்பு இருப்பதாகவும் தெரிகிறது.
இந்த நிலையில், படம் வெளியாவதற்கு முன்னதாக படத்தின் டிரைலர் எப்போது வெளியாகும் என ரசிகர்கள் அனைவரும் ஆவலுடன் காத்துஇருந்த நிலையில், டிரைலர் இன்று வெளியாவதாக அறிவிப்பு முன்னதாக வெளியாகி இருந்தது. அதன்படி, தற்போது வணங்கான் படத்தின் டிரைலர் வெளியாகியுள்ளது.
ட்ரைலரில் வரும் காட்சிகள் மற்றும் இசையமைப்பாளர் ஜிவி பிரகாஷின் பின்னணி இசை கேட்பதற்கு நம்மளை மெய்சிலிர்க்க வைத்து இருக்கிறது. அத்துடன் வழக்கமான பாலா படம் போல சண்டைக்காட்சிகளும் வசனங்களும் இருப்பதால் படத்தின் மீது இருக்கும் எதிர்பார்ப்பு எங்கயோ சென்று இருக்கிறது.
unknown nodeட்ரைலர் விமர்சனம்
ட்ரைலரை பார்த்த நெட்டிசன்கள் மற்றும் ரசிகர்கள் ட்ரைலர் சும்மா அதிருது எனவும், கண்டிப்பாக அருண் விஜய்க்கு இந்த படம் மிக்பெரிய பிளாக் பஸ்டர் படமாக அமையும் எனவும், பாலாவின் கம்பேக் இந்த படம் தான் எனவும் விமர்சனங்களை கூறி வருகிறார்கள்.