போட்ரா வெடிய ..! ராயன் சிறப்பு காட்சிக்கு தமிழக அரசு அனுமதி ..!

ராயன் : தனுஷ், எஸ்.ஜே.சூர்யா நடித்து, தனுஷ் இயக்கி, ஏ.ஆர்.ரஹ்மான் இசையில் உருவாகி இருக்கும் ராயன் திரைப்படம் மிகுந்த எதிர்ப்பார்ப்புடன் நாளை மறுநாள் வெளியாக இருக்கிறது.

ராயன் திரைப்படம் தமிழ், தெலுங்கு, ஹிந்தி உள்ளிட்ட மொழிகளில் நாளை மறுநாள் (ஜூலை-26) உலகம் முழுவதும் திரையிடப்படவுள்ளது. சமீபத்தில் வெளியான இத்திரைப்படத்தின் ட்ரைலர் வெளியாகி ரசிகர்களிடேயே மிகுந்த எதிர்பார்ப்பை பெற்றிருக்கிறது. மேலும், இந்த திரைப்படம் வசூல் ரீதியாகவும் ஒரு சாதனை படைக்கும் என்றும் எதிர்பார்க்கப்படுகிறது.

இந்நிலையில், நாளை மறுநாள் ரீலீஸ் ஆக இருக்கும் இந்த திரைப்படத்திற்கு தமிழ்நாட்டில்  சிறப்பு காட்சிக்கு அனுமதி அளித்துள்ளது தமிழக அரசு. தற்போது, ரிலீஸ் ஆகும் திரைப்படங்கள் திரையறுக்குகளில் 4 காட்சிக்கு மட்டுமே அனுமதி கொடுக்கப்பட்டுள்ளது. ஆனால், சமீபத்தில் ஷங்கர் இயக்கத்தில் கமல்ஹாசன் நடிப்பில் வெளியான ‘இந்தியன்-2’ திரைப்படத்திற்கும் சிறப்பு காட்சிக்கு தமிழக அரசு அனுமதி அளித்திருந்தது குறிப்பிடத்தக்கது.

அதனை தொடர்ந்து ‘ராயன்’ திரைப்படத்திற்கு தற்போது அனுமதி அளித்துள்ளனர். அதன்படி அன்றைய தினம் அதாவது ஜூலை-26-ம் தேதி சிறப்பு காட்சியாக காலை 9 மணிக்கு தொடங்கி அதிகாலை 2 மணி வரை சிறப்பு காட்சிக்கு அனுமதி கொடுத்துள்ளது தமிழக அரசு.

பல வருடங்கள் கழித்து நடிகர் தனுஷ் இயக்கத்தில் உருவாகி இருக்கும் திரைப்படம் என்றதால் ஒரு தனி எதிர்ப்பார்ப்பு என்பது இருந்து வரும் நிலையில் படத்தின் ட்ரைலர் மட்டும் பாட்டுகள் வெளியாகி ரசிககர்களிடையே சக்கை போடு போட்டது. தற்போது இப்படத்திற்கு சிறப்பு காட்சிகளுக்கும் அனுமதி அளித்ததால் தனுஷ் ரசிகர்கள் மகிழ்ச்சியில் இருந்து வருகின்றனர்.