சீனாவில் இன்று வெளியாகிறது சூப்பர்ஸ்டார் ரஜினிகாந்தின் 2.0 திரைப்படம்!

சூப்பர் ஸ்டார் ரஜினிகாந்த் தமிழ் சினிமாவின் பிரபலமான நடிகர். இவர் தமிழில் பல வெற்றி படங்களில் நடித்துள்ள நிலையில், சமீபத்தில் இவரது நடிப்பில் வெளியான 2.0 திரைப்படம் இந்தியாவில் பல சாதனைகளை படைத்து, ரூ.500 கோடிக்கு மேல் வசூல் செய்துள்ளது.

இந்நிலையில், இயக்குனர் சங்கர் இயக்கத்தில் உருவாகியுள்ள 2.0 திரைப்படமானது, இன்று சீனாவில் வெளியாகிறது. இப்படம், 48 ஆயிரம் தியேட்டர்களில் வெளியாகும் என இப்படத்தின் தயாரிப்பு நிறுவனமான லைகா தெரிவித்துள்ளது.

மேலும், சூப்பர்ஸ்டார் ரஜினிகாந்தின் திரைப்படம் ஒன்று சீனாவில் இவ்வாறு பிரமாண்டமாக வெளியாவது இதுவே முதல் முறை. எனவே, சீன மொழியில் வெளியாகும் இப்படமானது மிகப்பெரிய அளவில் சாதனைகளை படைக்கும் என எதிர்பார்க்கப்படுகிறது.