சினிமா பிரபலங்களுக்கு சப்ளை? போதைப்பொருளுடன் வசமாக சிக்கிய சுந்தரி சீரியல் நடிகை!

சென்னை : ராயப்பேட்டை அருகே மெத்தபெட்டமைன் என்கிற போதைப்பொருளுடன் சீரியல் நடிகை எஸ்தர் என்பவரை போதைப்பொருள் தடுப்பு நுண்ணறிவு பிரிவு போலீசார் கைது செய்தனர். உடனே, எஸ்தரை போலீசார் மருத்துவனை பரிசோதனைக்கு அழைத்துச் சென்றனர்.

தற்பொழுது, கைதான நடிகை எஸ்தர், சன் டிவியில் ஒளிபரப்பாகும் சுந்தரி சீரியல் நடிகை மீனா என்பது தெரிய வந்துள்ளது. இவர் ராயப்பேட்டை அருகே, போதைப் பொருளை விற்க வந்தபோது கையும் களவுமாக சிக்கி கொண்டார்.

போலீசார் கைது செய்தபோது, அவரிடம் 5 கிராம்  மெத்தபெட்டமைனை கைப்பற்றியதாக சொல்லப்படுகிறது. இந்நிலையில், கைதான சின்னத்திரை நடிகை எஸ்தர், திரைத்துறையினருக்கு போதைப் பொருள் சப்ளை செய்தாரா என்ற கோணத்தில்  காவல்துறையினர் விசாரணை நடத்தியுள்ளனர்.

விசாரணையில், வாட்ஸ் ஆப் குழு மூலம், போதைப்பொருள் கடத்தல் கும்பலிடம் இருந்து வாங்கி சக நடிகர், நடிகைகளுக்கு விற்பனை செய்ததாக தகவல் வெளிவந்துள்ளது.