அப்டேட்‌ கேக்காதீங்க, தப்பாயிகிரும் – சிம்பு

அப்டேட் கேட்டு ரொம்ப தொந்தரவு செய்ய வேண்டாம் என்று தனது ரசிகர்களுக்கு வேண்டுகோள் வைத்துள்ளார் நடிகர் சிம்பு.

   சிம்பு நடித்த சமீபத்தில் வெளியான திரைப்படம் “வெந்து தணிந்தது காடு”.இப்படத்தின் வெற்றி விழாவில் பங்கேற்று பேசிய நடிகர் சிம்பு ,படத்தின் தயாரிப்பாளர் ஐசரி கணேஷ், இயக்குனர் கௌதம் வாசுதேவ் மேனன், இசையமைப்பாளர் ஏ ஆர் ரகுமான், பாடலாசிரியர் தாமரை ஆகியோரை குறிப்பிட்டு தனது நன்றியை தெரிவித்தார். மேலும்,இது தமிழ் சினிமாவின் பொற்காலம் என்றும் இயக்குனர்கள் தங்கள் கனவுகளை நிறைவேற்றிக்கொள்ளும் காலம் என்றும் பேசினார்.

   “ஒரு படத்தின் இயக்குனர் உள்ளிட்ட படக்குழுவினர் ஒரு நல்ல படத்தை கொடுப்பதற்காக தான் வேலை செய்து கொண்டிருப்பார்கள்,அப்டேட் கேட்டு தொந்தரவு செய்வது ஒரு தவறான முடிவை எடுக்க செய்யலாம் , அவ்வாறு செய்ய வேண்டாம்” என்று ரசிகர்களுக்கு வேண்டுக்கோள் வைத்தார்.