தனுஷின் ஜகமே தந்திரம் படத்திலிருந்து “Bujji” என்ற பாடலை நவம்பர் 13-ஆம் தேதி வெளியிட உள்ளதாக அறிவிக்கப்பட்டுள்ளது.
கார்த்திக் சுப்புராஜ் இயக்கத்தில் தனுஷ் நடித்துள்ள திரைப்படம் ஜகமே தந்திரம். சந்தோஷ் நாராயணன் இசையமைத்துள்ள இந்த படத்தில் ஐஸ்வர்யா லெக்ஷ்மி, கலையரசன், ஜோஜூ ஜார்ஜ், ஹாலிவுட் நடிகர் ஜேம்ஸ் காஸ்மோ உள்ளிட்ட பலர் நடித்துள்ளனர் . கொரோனா ஊரடங்கு காரணமாக தள்ளி போன இந்த படத்தின் ரீலீஸ் விரைவில் இருக்கும் என்று எதிர்பார்க்கப்படுகிறது .
சமீபத்தில் தனுஷ் அவர்களின் பிறந்தநாளை முன்னிட்டு வெளியான ரகிட ரகிட பாடல் ரசிகர்கள் மத்தியில் பெரும் வரவேற்பை பெற்று ஹிட்டானது. இந்த நிலையில் கடந்த சில மாதங்களாக ஜகமே தந்திரம் படம் குறித்த எந்த அப்டேட்டும் வெளி வராத நிலையில் தனுஷ் ரசிகர்கள் சற்று கவலையில் இருந்தனர் . இந்த நிலையில் தற்போது ஜகமே தந்திரம் படத்தின் புது அப்டேட் ஒன்றை படக்குழுவினர் தெரிவித்துள்ளனர்.அதாவது ஜகமே தந்திரம் படத்திலிருந்து “Bujji” என்ற பாடலை நவம்பர் 13-ஆம் தேதி வெளியிட உள்ளதாக அறிவிக்கப்பட்டுள்ளது . இதனால் தனுஷ் ரசிகர்கள் குஷியில் உள்ளனர்.
unknown node