சொன்ன தேதியில் விஜய்க்கு புது சிக்கல்.! துணிவுடன் வெளிவருமா வாரிசு.?

இயக்குனர் வம்சி இயக்கத்தில் நடிகர் விஜய் நடிப்பில் தமிழ், தெலுங்கு ஆகிய மொழிகளில் உருவாகி வரும் வாரிசு திரைப்படம் அடுத்த ஆண்டு பொங்கல் பண்டிகையை முன்னிட்டு திரையரங்குகளில் வெளியாகவுள்ளது. இன்னும் ரிலீஸ் தேதி அறிவிக்கப்படவில்லை என்றாலும், படம் பொங்கல் பண்டிகை முன்னிட்டு வெளியாகும் என்று அறிவிக்கப்பட்டுவிட்டது.

இந்த நிலையில்,  விஜய் முன்னணி நடிகர் என்பதால் ‘வாரிசு’ படத்திற்கு அதிக திரையரங்குகளில் கிடைக்கும். படத்தை தயாரிப்பாளர் தில் ராஜு தயாரித்துள்ளதால், தெலுங்கானா பகுதிகளிலும் அதிக திரையரங்குகள் கிடைக்கும். ஆனால், தற்போது படம் தெலுங்கில் வெளியாவதில் ஒரு சிக்கல் ஏற்பட்டுள்ளது.

அதுஎன்னவென்றால், வாரிசு  திரைப்படத்தை ஆந்திரா, தெலுங்கானாவில் அதிக திரையரங்குகளில் வெளியிடுவதற்கு தற்போது தெலுங்கு பிலிம் சேம்பர் எதிர்ப்பு தெரிவித்துள்ளது.  தெலுங்கு திரையுலகில் பாலகிருஷ்ணாவின் “வீரசிம்ஹ ரெட்டி”, மற்றும் சிரஞ்சீவியின் “வால்டேர் வீரய்யா” ஆகிய படங்கள் வரும் பொங்கல் பண்டிகைக்கு வெளியாகிறது. எனவே இந்த படங்கள் தெலுங்கு படங்கள் என்பதால் இந்த படங்களுக்கு மட்டுமே முக்கியத்துவம் கொடுக்க வேண்டும் என கூறியுள்ளனர்.

இதனால், வாரிசு திரைப்படம் தெலுங்கில் தள்ளிப்போக வாய்ப்புள்ளதாக தகவல்கள் கசிந்துள்ளது. அதன்படி, படம் தெலுங்கில் மட்டும் ஜனவரி 26-ஆம் தேதி குடியரசு தினத்தன்று வெளியாகலாம் எனவும் சொல்லப்படுகிறது. திட்டமிட்டபடி தைரியமாக குறைவையான திரையரங்குகளில் வாரிசு படம் வெளியாகுமா அல்லது தள்ளிபோகுமா என்பதை பொறுத்திருந்து பார்ப்போம்.