அட்வான்ஸ் புக்கிங்கில் அதிர வைத்த கூலி...கேரளாவில் காத்திருக்கும் மிரட்டல் வசூல்?

கேரளா:இயக்குநர் லோகேஷ் கனகராஜ் இயக்கத்தில், சூப்பர் ஸ்டார் ரஜினிகாந்த் நடித்துள்ள ‘கூலி’ திரைப்படத்தின் முன்பதிவு கேரளாவில் ஆகஸ்ட் 8, 2025 அன்று காலை 10:30 மணிக்கு தொடங்கிய நிலையில், ஒரு மணி நேரத்தில் 1 கோடி ரூபாய்க்கு மேல் வசூல் செய்து சாதனை படைத்துள்ளது. புக் மை ஷோ (BMS) தளத்தில் ஒரு மணி நேரத்தில் 50,000 டிக்கெட்டுகள் விற்பனையாகி, கேரளாவில் மட்டுமே இந்த அமோக வரவேற்பு கிடைத்துள்ளது. இந்த புரட்சிகரமான தொடக்கம், ‘கூலி’ படம் ரஜினிகாந்த் மற்றும் லோகேஷ் கனகராஜ் இணைந்து பாக்ஸ் ஆபிஸ் சாதனைகளை முறியடிக்கும் என்பதை உறுதிப்படுத்துகிறது.

கேரளாவில் முன்பதிவு தொடங்கிய மூன்று மணி நேரத்தில், 1,43,000 டிக்கெட்டுகள் விற்பனையாகி, 2.36 கோடி ரூபாய் வசூலித்ததாக m9.news அறிக்கை தெரிவிக்கிறது. இந்த எண்ணிக்கை, விஜய்யின் ‘லியோ’ படத்தின் முதல் நாள் வசூலான 12 கோடி ரூபாய் சாதனையை ‘கூலி’ முறியடிக்க வாய்ப்புள்ளதாக வர்த்தக வல்லுநர்கள் கருதுகின்றனர்.

வரும் ஆகஸ்ட் 14, 2025 அன்று வெளியாகவுள்ள இந்த படம், தமிழ், தெலுங்கு, இந்தி, கன்னட மொழிகளில் வெளியாகிறது. நாகார்ஜுனா, ஆமிர் கான், ஸ்ருதி ஹாசன், சத்யராஜ் உள்ளிட்ட பான்-இந்திய நட்சத்திர கூட்டணியும், லோகேஷின் ஆக்‌ஷன் கதைக்களமும் ரசிகர்களிடையே பெரும் எதிர்பார்ப்பை ஏற்படுத்தியுள்ளது. தமிழ் திரையுலகில், ஒரு மணி நேரத்தில் முன்பதிவில் 1 கோடி ரூபாயை தாண்டிய மற்ற படங்கள் குறித்து ஆய்வு செய்யும்போது, விஜய்யின் ‘லியோ’ (2023) மற்றும் ‘பீஸ்ட்’ (2022) ஆகியவை இந்த சாதனையை புரிந்துள்ளன.

‘லியோ’ படம் கேரளாவில் முதல் மணி நேரத்தில் 1.2 கோடி ரூபாய் வசூலித்து, முதல் நாள் மொத்தமாக 12 கோடி ரூபாய் ஈட்டியது. ‘பீஸ்ட்’ படமும் ஒரு மணி நேரத்தில் 1 கோடியை தாண்டியதாக பதிவுகள் உள்ளன. இவை தவிர, ரஜினிகாந்தின் ‘ஜெயிலர்’ (2023) முன்பதிவு வேகமாக இருந்தாலும், ஒரு மணி நேரத்தில் 1 கோடி வசூலை கேரளாவில் எட்டியதற்கான உறுதியான தகவல் எதுவும் இல்லை. ஆகஸ்ட் 14 அன்று 6 மணிக்கு கேரளாவில் முதல் காட்சியும், தமிழ்நாட்டில் 9 மணிக்கு முதல் காட்சியும் தொடங்க உள்ளது எவ்வளவு கோடி ஓப்பனிங் செய்ய போகிறது என்பதை பொறுத்திருந்து பார்ப்போம்.