முதல் நாளே மஞ்சும்மல் பாய்ஸ் வசூலை தாண்டிய 'ஆடுஜீவிதம்' திரைப்படம்.!

Aadujeevitham box office:மலையாளத்தில் மாபெரும் சாதனை படைத்த மஞ்சும்மல் பாய்ஸ் படத்தின் பாக்ஸ் ஆபிஸ் வசூலை பிரித்விராஜின் ஆடுஜீவிதம் திரைப்படம் முந்தியுள்ளது.

இயக்குனர் பிளஸ்ஸி இயக்கத்தில் மலையாள நடிகர் பிரித்விராஜ் சுகுமாரன் நடிப்பில் பிரமாண்டமாக உருவாகியுள்ள திரைப்படம் ஆடுஜீவிதம் (The Goat Life). இந்த படத்துக்கு ஏ.ஆர். ரகுமான் இசையமைக்க, சுனில் கே.எஸ் மற்றும் கே.யு.மோகனன் ஒளிப்பதிவு செய்ய, ஸ்ரீகர் பிரசாத் படத்தொகுப்பு செய்துள்ளார்.

Aadujeevitham Box Office [File Image]இப்படத்தில் நடிகர் பிரித்விராஜூக்கு ஜோடியாக நடிகை அமலா பால் நடித்துள்ளார். மேலும் இதில், நடிகர் ஜிம்மி ஜீன் லூயிஸ் முக்கிய வேடத்தில் நடிக்கிறார். நேற்றைய தினம் உலக முழுவதும் வெளியான இப்படம் மலையாளத்தை தவிர தமிழ், தெலுங்கு, கன்னடம், ஹிந்தி உள்ளிட்ட பல்வேறு மொழிகளில் இப்படம் வெளியாகியுள்ளது.

ஆடுஜீவிதம் வெளியான முதல் நாளிலேயே பாக்ஸ் ஆபிஸில் சாதனை படைத்தது. இந்தியாவில் உள்ள அனைத்து மொழிகளிலும் இப்படம் ரூ. 7.45 கோடி வசூல் செய்துள்ளதாக தகவல் வெளியாகியுள்ளது. இதை வைத்து பார்க்கையில், இந்தியாவில் இந்த படத்திற்கு மிகப்பெரிய ஓப்பனிங் கிடைத்துள்ளது என தெரிகிறது.

Aadujeevitham Box Office [File Image]

ஆடுஜீவிதம்

புகழ்பெற்ற எழுத்தாளர் பென்யாமின் எழுதிய மலையாள நாவலான ஆடுஜீவிதத்தை தழுவி எடுக்கப்பட்ட இப்படம் ஒருவரது நிஜ வாழ்கையின் உண்மை சம்பவத்தின் கதையாகும். படத்தில் பிருத்விராஜ் சுகுமாரன், சவூதி அரேபியாவில் ஒரு ஆட்டு பண்ணையில் ஆடு மேய்ப்பவராக அடிமைப்படுத்தப்பட்ட மலையாளி புலம்பெயர்ந்த தொழிலாளியான நஜீப்பாக நடித்துள்ளார்.

பாக்ஸ் ஆபிஸ்

முதல் நாளில் உலக அளவில் ரூ.14 முதல் 15 கோடி வரை வசூலித்திருக்கும் என கணக்கிடப்பட்டுள்ளது. இந்தியாவில் மட்டும் ரூ. 7.45 கோடி வசூல் செய்து மலையாள சினிமாவில் முதல் நாளில் அதிக வசூல் செய்த திரைப்படம் என்ற பெருமையை பெற்றிருக்கிறது.

Aadujeevitham Box Office [File Image]

முதல் நாள் சாதனை

ஆடுஜீவிதம் படத்துக்கு கிடத்த முதல் ஓப்பனிங், முதல் நாளில் ரூ 1.7 கோடி வசூலித்த நடிகர் டோவினோ தாமஸின் 2018-ஐ  விடவும், ரூ. 3.3 கோடி வசூலித்த மஞ்சும்மல் பாய்ஸ் படத்தை காட்டிலும் சில மடங்கு அதிகமாகும்.

மஞ்சும்மல் பாய்ஸ்  தற்போது உலகளவில் ரூ 212 கோடி வசூலித்து, மலையாள சினிமாவில் அதிக வசூல் செய்த படமாக உள்ளது. விரைவில் ஆடுஜீவிதம் திரைப்படமும் ரூ.100 கோடி வசூலை எட்டும் என எதிர்பார்க்கப்படுகிறது.