LeoThirdSingle: லியோ படத்தின் மூன்றாம் பாடல் நாளை வெளியாகுமா? குழப்பத்தில் ரசிகர்கள்..!

லோகேஷ் கனகராஜ் இயக்கத்தில் நடிகர் விஜய் நடித்துள்ள ‘லியோ’ திரைப்படம் வரும் அக்டோபர் 19-ஆம் தேதி திரையரங்குகளில் வெளியாகவுள்ளது. படம் வெளியாக இன்னும் சில நாட்கள் மட்டுமே இருக்கும் நிலையில், படத்தின் டிரைலர் கடந்த 5-ஆம் தேதி வெளியிடப்பட்டது. டிரைலரை பார்த்த ரசிகர்களுக்கு படத்தின் மீதுள்ள எதிர்பார்ப்பை அதிகமாக்கியுள்ளது.

அந்த வகையில், படத்திற்கான ப்ரோமோஷன் பணிகள் மும்மரமாக நடைபெற்று வருகிறது.  வெளிநாடு ப்ரோமோஷன் பணியின்போது, முக்கிய சர்ப்ரைஸ் ஒன்று வெளியாகும் என எதிர்பார்க்கப்படுகிறது. அந்த ப்ரோமோஷன் துபாயில் நடைபெற இருப்பதாக கூறப்படுகிறது.

இதற்கிடையில், ப்ரோமோஷன் பணிகள் நடைபெறாமல் படத்திற்கான எதிர்பார்ப்பு பிரம்மாண்டமாக உள்ளது. ஏற்கனவே, படத்தில் இடம்பெற்றுள்ள இரண்டு பாடல்களான ‘நான் ரெடி’, Badass ஆகியவை ரசிகர்கள் மத்தியில் நல்ல வரவேற்பை பெற்று இப்போது ட்ரெண்டிங்கில் உள்ளது.

இந்நிலையில், படத்தின் மூன்றாவது சிங்கிள் குடும்பப் பாடலாக இருக்கும் என்றும் அது அக்டோபர் 9 ஆம் தேதி நாளை (திங்கட்கிழமை) வெளியிடப்படும் என்று தகவல் வெளியனாது. ஆனால், அதற்கான ஒரு அறிவிப்பு கூட இன்று வெளியாகவில்லை.

நாளை மூன்றாவது சிங்கிள் வெளியாகும் என்றால், அதற்கான ஒரு அறிகுறி கூட தெரியவில்லை. மூன்றாவது சிங்கிள் குறித்த போஸ்டர் இன்று வெளியாகும் என எதிர்பார்க்கப்பட்டது. ஆனால், இன்னும் ஒரு அறிவிப்பு கூட வெளியாகவில்லை என்பதால், நாளை மூன்றாம் பாடல் வெளியாகுமா? ஆகாதா? என சந்தேகமும் ரசிகர்களிடம் குழப்பத்தை ஏற்படுத்தியுள்ளது.