பிரபல நடிகை மீது சாதி கலவரத்தை தூண்டும் விதமாக பேசியதாக புகார்!

நடிகை கஸ்தூரி மீது சாதி கலவரத்தை தூண்டும் விதமாக பேசியதாக  போலீசார் நடவடிக்கை எடுக்க உத்தரவிடக் கோரி, வேலூர் ராணிப்பேட்டை நீதிமன்றத்தில் வழக்கு தொடரப்பட்டுள்ளது.

கடந்த மாதம் 22 ஆம் தேதி விழுப்புரம் வெள்ளம்புத்தூரில் மர்ம கும்பல் கிராமத்தில் சிறுவனை அடித்து கொலை செய்ததோடு, தாயை அடித்து துன்புறுத்தி சிறுமியை கூட்டு பாலியல் பலாத்காரம் செய்ததாக புகார் எழுந்தது. இது குறித்து நடிகை கஸ்தூரி தனது டிவிட்டர் பக்க பதிவில் ஒரு குறிப்பட்ட சமூகத்தை நேரடியாக குறிப்பிட்டு குற்றம் சாட்டினார்.

இதுதொடர்பாக சென்னை காவல் ஆணையர் அலுவலகத்தில் புகார் அளிக்கப்பட்டுள்ளது. இந்நிலையில் குறிப்பட்ட சமூகத்திற்கு எதிராக பேசிய நடிகை கஸ்தூரியால் சாதி மோதல் ஏற்பட வாய்ப்புள்ளதாகவும், அவர் மீது நடவடிகை எடுக்கும் படி ராணிப்பேட்டை காவல்நிலையத்தில் வழக்கறிஞர் ஜானகிராமன் என்பவர் புகார் அளித்தார். ஆனால் புகாரை வாங்க போலீசார் மறுத்ததால், நடவடிக்கை எடுக்க காவல்துறைக்கு உத்தரவிட கோரி ஜானகிராமன் ராணிப்பேட்டை மாவட்ட உரிமையியல் மற்றும் நீதித்துறை நடுவர் நீதிமன்றத்தில் வழக்கு தொடர்ந்தார்.

மேலும் செய்திகளுக்கு தினச்சுவடுடன் இணைந்திருங்கள்.