பத்மாவத் திரைப்படம் பார்த்த ஜெயப்பிரதா ஆசம்கான் தனக்கு அளித்த தொல்லைகள் நினைவூட்டுவதாக கருத்து!

நடிகை ஜெயப்பிரதா பத்மாவத் திரைப்படத்தில் வரும் அலாவுத்தீன் கில்ஜி கதாப்பாத்திரம் தனக்கு சமாஜ்வாதிக் கட்சித் தலைவர் ஆசம்கானை நினைவுபடுத்துவதாக  தெரிவித்துள்ளார்.

நடிகை ஜெயப்பிரதா சமாஜ்வாதிக் கட்சியில் நாடாளுமன்ற உறுப்பினராகவும் இருந்தார். இவர் சஞ்சய் லீலா பன்சாலியின் பத்மாவத் திரைப்படத்தைப் பார்த்தது குறித்துத் தனது டுவிட்டர் பக்கத்தில் கருத்து வெளியிட்டுள்ளார். அதில் பத்மாவத் படத்தில் வரும் அலாவுத்தீன் கில்ஜி கதாப்பாத்திரம் சமாஜ்வாதிக் கட்சித் தலைவர் ஆசம்கானை நினைவுபடுத்துவதாகக் குறிப்பிட்டுள்ளார்.

தேர்தல் காலத்தில் ஆசம்கான் தனக்கு அளித்த தொல்லைகள் அத்தகையவை என்றும் ஜெயப்பிரதா குறிப்பிட்டுள்ளார். 2009ஆம் ஆண்டு நாடாளுமன்றத் தேர்தலின்போது ஆசம்கானும் ஜெயப்பிரதாவும் ஒருவரையொருவர் தரக்குறைவாக விமர்சித்துக் கொண்டது குறிப்பிடத் தக்கது.

மேலும் செய்திகளுக்கு தினச்சுவடுடன் இணைந்திருங்கள்