கார்த்திக் சுப்புராஜை வியக்க வைத்த ‘GOAT’…படம் பார்த்துவிட்டு என்ன சொல்லிருக்காரு பாருங்க!!

சென்னை : GOAT படம் வெளியானதில் இருந்து எல்லா பக்கமும் படத்தை பற்றி தான் பேசி வருகிறார்கள். மக்கள் பலரும் படம் பார்த்துவிட்டு படம் வேற லெவலில் இருப்பதாக தெரிவித்து வரும் சூழலில், சினிமா பிரபலங்கள், கிரிக்கெட் வீரர்கள் பலரும் படத்தை பார்த்துவிட்டு தங்களுடைய கருத்துக்களை தெரிவித்து வருகிறார்கள்.

குறிப்பாக, இந்திய கிரிக்கெட் வீரர்கள் அஸ்வின், வருண் சக்கரவர்த்தி மற்றும் இயக்குனர் பார்த்திபன், ரம்யா பாண்டியன் ஆகியோர் பாராட்டி இருந்தார்கள். அவர்களை தொடர்ந்து ஜிகிர்தண்டா டபுள் எக்ஸ் எனும் தாறுமாறான படத்தை கொடுத்த கார்த்திக் சுப்புராஜே GOAT படத்தினை பார்த்துவிட்டு படம் நன்றாக இருப்பதாக பாராட்டியுள்ளார்.

வழக்கமாக வெங்கட் பிரபு படங்கள் என்றாலே அதில் காமெடியான விஷயங்களுக்கு பஞ்சமே இருக்காது. அதனை கோட் படத்திலும் சரியாக வைத்திருக்கிறார்.  எனவே, அதனைக் குறிப்பிட்டு படம் பார்த்துவிட்டு இயக்குனர் கார்த்திக் சுப்புராஜ் GOAT படத்தில் ஆக்ஷன்… மாஸ்… என்டர்டெயின்மென்ட் வெங்கட் பிரபு ஸ்டைலில் உள்ளது. படம் விறு விறுப்பாக சென்றது. படத்தை நான் ரொம்பவே ரசித்தேன் எனவும் பாராட்டி உள்ளார்.

விஜய் இரண்டு கதாபாத்திரங்களில் அசுரத்தனமான நடிப்பை வெளிப்படுத்தி உள்ளதாக மக்கள் கூறியது போல கார்த்திக் சுப்புராஜும் விஜய் நடிப்பை பற்றி பாராட்டியுள்ளார். விஜயின் நடிப்பு படத்தில் அருமை மொத்தத்தில் தன்னுடைய ஸ்டைலில் “BLAST” எனக் கூறி, இந்த பிளாக்பஸ்டர் படத்திற்காக ஒட்டுமொத்த நடிகர்களுக்கும், குழுவினருக்கும் தன்னுடைய வாழ்த்துக்களையும் தெரிவித்துள்ளார்.