விடுதலை 2 படத்தின் பட்ஜெட் எவ்வளவு தெரியுமா? பிரமாண்ட விலையா இருக்கே!!

சென்னை : விடுதலை 2 படத்தினை  படக்குழு கிறிஸ்துமஸ் பண்டிகையை முன்னிட்டு வெளியிடத் திட்டமிட்டுள்ளதாகத் தகவல்.

காமெடி நடிகராக ட்ராவல் செய்துகொண்டிருந்த சூரியை விடுதலை படத்தில் நடிக்க வைத்து கதையின் ஹீரோ ஆக்கியவர் இயக்குனர் வெற்றிமாறன். விடுதலை படத்தில் சூரியின் நடிப்பைப் பார்த்த பல இயக்குனர்கள் தொடர்ச்சியாக ஹீரோவாக தங்களுடைய படங்களில் நடிக்க கேட்டு வருகிறார்கள். அதனுடைய தொடர்ச்சியாகத் தான் சூரி, கருடன், கொட்டுக்காளி ஆகிய படங்களில் ஹீரோவாக நடித்தார்.

இப்போது தொடர்ச்சியாக அவர் ஹீரோவாக நடித்தாலும் அதற்கு விதை போட்டது என்னவோ விடுதலை படம் தான். இதன் காரணமாகவே, அவர் விடுதலை படத்தின் இரண்டாவது பாகத்திலும் நடித்திருக்கிறார். ஏற்கனவே, முதல் பாகமே ஷூட்டிங் தொடங்கப்பட்டுப் பல மாதங்கள் கழித்துத் தான் ரிலீஸ் ஆனது. முதல் பாகத்தைப் போலவே, இரண்டாவது பாகமும் இன்னும் ரிலீஸ் தேதியை அறிவிக்காமல் எடுக்கப்பட்டு வருகிறது.

சமீபத்தில் படத்திற்கான பர்ஸ்ட் லுக் போஸ்டரை படக்குழு வெளியீட்டு இருந்தது. இரண்டாவது பாகத்தில் விஜய் சேதுபதி சுற்றிக் கதை நகரும் காரணத்தால் அவருடைய புகைப்படம் போஸ்டரில் இடம்பெற்றிருந்தது. இந்த நிலையில், விடுதலை 2 படத்திற்கு ஒரு வழியாக ரிலீஸ் தேதி கிடைத்துவிட்டதாகக் கூறப்படுகிறது.

அதாவது, விடுதலை 2 படத்தினை படக்குழு ரிலீஸ் செய்ய திட்டமிட்டு இருக்கும் தேதி பற்றிய தகவல் கிடைத்துள்ளது. அதன்படி, படத்தினை படக்குழு வரும் டிசம்பர் மாதம் 25-ஆம் தேதி கிறிஸ்துமஸ் பண்டிகையை முன்னிட்டு திரையரங்குகளில் வெளியிடத் திட்டமிட்டுள்ளதாகத் தகவல்கள் வெளியாகி இருக்கிறது. இன்னும் ரிலீஸ் தேதி பற்றி அதிகாரப்பூர்வ அறிவிப்பு வெளியாகவில்லை. விரைவில், அதற்கான அதிகாரப்பூர்வ அறிவிப்பு வெளியாகும் எனக் கூறப்படுகிறது.

இதற்கிடையில், படத்தின் பட்ஜெட் எவ்வளவு என்பது பற்றிய ஆச்சரிய தகவலும் வெளியாகி இருக்கிறது. அதன்படி, விடுதலை 2 படம் கிட்டத்தட்ட 60 கோடி ரூபாய் பட்ஜெட்டில் முதல் பாகத்தை விட பிரமாண்டமாக எடுக்கப்பட்டு வருகிறதாம். முதல் பாகம் 40 கோடி பட்ஜெட்டில் எடுக்கப்பட்ட நிலையில், படம் உலகம் முழுவதும் 60 கோடி ரூபாய் வரை வசூல் செய்திருந்தது. இரண்டாவது பாகம் 60 கோடி வரை செலவு செய்து எடுக்கப்பட்டுள்ள நிலையில், எவ்வளவு வசூல் செய்யும் என்பதைப் பொறுத்திருந்து பார்ப்போம்.