தனுஷ் – வெற்றிமாறன்-ஜி.வி.பிரகாஷ்குமார் கூட்டணியில் ‘அசுரன்’ ஷூட்டிங் தொடக்க தேதி!!!

பொல்லாதவன், ஆடுகளம் படங்களின் வெற்றியை தொடர்ந்து நடிகர் தனுஷ், இயக்குனர் வெற்றிமாறன், இசையமைப்பாளர் ஜி.வி.பிரகாஷ்குமார் மீண்டும் இணைந்துள்ளனர். இந்த படத்தை கலைப்புலி.எஸ்.தாணு தனது வி கிரியேஷன் சார்பில் தயாரிக்க உள்ளார்.

தனுஷ் – வெற்றிமாறன் கூட்டணியில் கடைசியாக வெளியான வடசென்னை படத்தில் சந்தோஷ் நாராயணன் இசையமைத்திருந்தார். ஆதனால் தனுஷிற்கும், ஜி.வி.பிரகாஷிற்கும் ஏதோ பிரச்சனை என கிசுகிசுக்கப்பட்டது.

ஆனால் அண்மையில் ஜி.வி.பிரகாஷ் நடிப்பில் உருவாகி வரும் ஜெயில் படத்தில் ஜி.வி இசையில் ஒரு பாடலை பாடி எங்களுக்குள் எந்த பிரச்சனையும் இல்லை என இந்த பாடல் மூலம் தெரிவித்துவிட்டார். அதனை உறுதிபடுத்தும் விதமாக ‘அசுரன்’ படத்தில் ஜி.வி.பிரகாஷ் இசையமைக்க உள்ளார்.

இந்த படத்தின் ஷூட்டிங் ஜனவரி 26ஆம் தேதி முதல் ஆரம்பிக்க உள்ளதாக நடிகர் தனுஷ் தனது டிவிட்டர் பக்கத்தில் தெரிவித்துள்ளார்.

DINASUVADU