‘மௌனம் பேசியதே’ ரீ-ரிலீஸ் – முதல் படம் நினைவுகளை பகிர்ந்த த்ரிஷா!!

சென்னை :நடிகை த்ரிஷா, தனது முதல் படமான ‘மௌனம் பேசியதே’ படத்தின் ரீ-ரிலீஸ் (பிப்ரவரி 13) ரீ -ரிலீஸ் வெளியீட்டையொட்டி ஒரு சிறப்பு வீடியோவை வெளியிட்டுள்ளார். இதில் தனது திரைப்பயணத்தின் தொடக்கப் புள்ளியை நினைவுகூர்ந்த அவர், “என் முதல் படமே சூர்யாவுடன் அமைந்ததில் பெரிய மகிழ்ச்சி. இதில் சிறப்பு என்னவென்றால், என்னுடைய அடுத்த ரிலீஸ் படமும் (கருப்பு) சூர்யாவுடன்தான். இதனால் ஒரு வட்டத்தை நிறைவு செய்ததாக உணர்கிறேன்” என்று உணர்ச்சிபூர்வமாகப் பகிர்ந்துள்ளார்.

த்ரிஷா மேலும் கூறுகையில், “அமீர் சார் என்னுடைய முதல் படத்திலேயே உங்களுடன் பணியாற்றியதால் மகிழ்ச்சி. இந்தக் குழுவில் யாரும் என்னை ஒரு அறிமுக நடிகையாக நடத்தவில்லை. குடும்பத்தினருடன் இருந்ததைப் போலவே உணர்ந்தேன்” என்று படக்குழுவினருக்கு நன்றி தெரிவித்துள்ளார்.

படத்தின் மூலம் லைலா என்ற கதாபாத்திரத்தை சந்தித்ததும், அவருடன் நடித்ததும் தனக்கு பெரும் மகிழ்ச்சி அளித்தது என்றும் அவர் குறிப்பிட்டுள்ளார்.யுவன் சங்கர் ராஜாவின் இசை குறித்து பேசிய த்ரிஷா, “யுவனின் இசை இன்றுவரை இப்படத்தை பிரபலமாக வைத்திருக்கிறது” என்று பெருமிதம் தெரிவித்துள்ளார். படத்தின் ரீ-ரிலீஸ் மூலம் புதிய தலைமுறையினரும் இந்த படத்தை ரசிக்கும் வாய்ப்பு கிடைத்துள்ளது என்றும், இது தனக்கு மிகுந்த மகிழ்ச்சி அளிப்பதாகவும் அவர் கூறியுள்ளார்.

ஒட்டுமொத்தமாக, த்ரிஷாவின் இந்த வீடியோ அவரது திரைப்பயணத்தின் தொடக்கத்தை நெகிழ்ச்சியுடன் நினைவுகூர்வதாக அமைந்துள்ளது. சூர்யாவுடன் முதல் படம் முதல் இன்றுவரை தொடரும் தொடர்பு, அமீர் இயக்கத்தில் கிடைத்த குடும்ப உணர்வு, யுவனின் இசையின் தாக்கம் ஆகியவை இந்த வீடியோவின் முக்கிய அம்சங்களாக உள்ளன. ரீ-ரிலீஸ் நிகழ்வு ரசிகர்களிடையே பெரும் எதிர்பார்ப்பை ஏற்படுத்தியுள்ளது.