ஒலிம்பிக் வில்வித்தை:காலிறுதியின் முந்தைய சுற்றுக்கு முன்னேறிய பிரவீன் ஜாதவ்..!

ஒலிம்பிக் வில்வித்தை ஆடவர் பிரிவில் இந்தியாவின் பிரவீன் ஜாதவ் காலிறுதியின் முந்தைய சுற்றுக்கு முன்னேறியுள்ளார்.

ஒலிம்பிக் வில்வித்தை ஆண்கள் தனிநபர் போட்டியின் தகுதி சுற்றில் இந்தியாவின் பிரவீன் ஜாதவ்,ரஷ்யாவை சேர்ந்த கல்சன் பஜார்ஜபோவை எதிர்கொண்டார்.

முதல் செட்:

போட்டியின்தொடக்கம் முதலே பிரவீன் ஆதிக்கம் செலுத்தினார். அதன்படி,முதல் செட்டை 29-27 (10-9,9-9,10-9) என்ற கணக்கில் வென்று முன்னிலை பெற்றார்.

இரண்டாவது செட்:

இதனையடுத்து,இரண்டாவது செட்டை 28-27 (9 -10,9-10,10-7) என்ற கணக்கில் பெற்று பிரவீன் முன்னிலை வகித்தார்.

மூன்றாவது செட்:

இதனைத் தொடர்ந்து,பிரவீன் ஜாதவ் தனது தனிப்பட்ட திறமையால் மூன்றாவது செட்டையும் 28-24 என்ற கணக்கில் வென்று ஆட்டத்தை கைப்பற்றினார்.

முன்னேற்றம்:

இதனால்,பிரவீன் 6-0 என்ற கணக்கில் ரஷ்யாவை சேர்ந்த கல்சன் பஜார்ஜபோவை வென்று காலிறுதியின் முந்தைய சுற்றுக்கு முன்னேறியுள்ளார்.