குரூப் 2, குரூப் 2A தேர்வு – விண்ணப்பிக்க நாளையே கடைசி நாள்.!

TNPSC : தமிழ்நாடு அரசுப் பணியாளர் தேர்வாணையம் (TNPSC) நடத்தும் 2327 பணியிடங்களுக்கான ஒருங்கிணைந்த சிவில் சர்வீசஸ் தேர்வான குரூப் 2 மற்றும் குரூப் 2 A முதல்நிலைத் தேர்வுக்கு விண்ணப்பிக்க நாளையே (ஜூலை 19) கடைசி நாள் ஆகும்.

குரூப் 2 தேர்வில் 507 பணியிடங்களுக்கும், குரூப் 2 ஏ பிரிவில் 1820 பணியிடங்களுக்கான அறிவிப்பு கடந்த மாதம் 20ம் தேதி வெளியானது. எழுத்துத் தேர்வு செப்டம்பர் 14-ம் தேதி நடைபெற உள்ளது.

இந்நிலையில், இதுவரை விண்ணப்பிக்காத விண்ணப்பிக்காதவர்கள் TNPSC-ன் அதிகாரப்பூர்வ இணையதளமான http://tnpsc.gov.in என்ற இணைய தளத்தில் விண்ணப்பிக்கலாம். அதன் வழியாக, நாளை வெள்ளிக்கிழமை நள்ளிரவு 11.59 மணி வரை ஆன்லைனில் விண்ணப்பிக்கலாம்.

குரூப்-2 ஏ பணிகளைப் போன்று குரூப்-2 பணிகளுக்கும் நேர்முகத் தேர்வு இல்லை. முதன்முறையாக இரண்டு பணியிடங்களுக்கும் சேர்த்து அறிவிப்பு வெளியிடப்பட்டுள்ளது என்பது குறிப்பிடத்தக்கது.

மேலும் விவரங்களுக்கு தமிழ்நாடு அரசுப் பணியாளர் தேர்வாணைய இணையதளத்தை (https://www.tnpsc.gov.in) அணுகவும்.