“ஹே..எப்படி டா..” டோனியைப் புகழ்ந்த கம்பீர்

 இனி எந்த இந்திய கேப்டனும் மூன்று ஐசிசி கோப்பைகளை வெல்ல முடியும் என்று தான் நினைக்கவில்லை என முன்னாள் இந்திய அணி வீரர் கவுதம் கம்பீர் தெரிவித்துள்ளார்.

ஆஸ்திரேலியாவில் நடைபெற்றுவரும் டி20 உலககோப்பை தொடரின் அரையிறுதி போட்டியில் இங்கிலாந்து அணியிடம் தோற்று இந்தியா தொடரிலிருந்து வெளியேறியது.இது குறித்து பலரும் தங்கள் கருத்துக்களை தெரிவித்து வருகின்றனர்.

இந்நிலையில் முன்னாள் இந்திய வீரர் கவுதம் கம்பீர் “யாராவது விராட் கோலியை விட அதிக சதங்கள் அடிக்கலாம், ரோகித் சர்மாவை விட அதிக இரட்டை சதங்கள் அடிக்கலாம், ஆனால் இனி எந்த இந்திய கேப்டனும் மூன்று ஐசிசி கோப்பைகளை வெல்ல முடியும் என நான் நினைக்கவில்லை ” எனக் கூறியுள்ளார்.

 டோனி 2007 டி20 உலகக்கோப்பை, 2011 உலகக்கோப்பை, 2013 சாம்பியன்ஸ் டிராபி உள்ளிட்ட 3 ஐசிசி கோப்பைகளை  கேப்டனாக வென்றுள்ளார்.வழக்கமாக,டோனிக்கு எதிராக கருத்துக்களை கூறும் கம்பீர் இம்முறை டோனியைப் பாராட்டி பேசிருப்பது கிரிக்கெட் ரசிகர்களை ஆச்சர்யத்தில் ஆழ்த்தியுள்ளது.