ISSF உலகக் கோப்பையில் வரலாற்று சாதனை படைத்து தங்க பதக்கத்தை வென்றார் மைராஜ்

சாங்வானில் நடந்த உலகக்கோப்பை துப்பாக்கி சுடுதல் போட்டியில் உத்தரப் பிரதேசத்தைச் சேர்ந்த 46 வயதான மைராஜ் அகமது கான், தங்கப் பதக்கத்தை வென்று வரலாற்று சாதனை படைத்துள்ளார்.

ஆடவர் ஸ்கீட் ஷூட்டிங் போட்டியில் இந்தியாவிற்கு உலகக்கோப்பையில் முதல் தங்கத்தை பெற்றுக்கொடுத்த நபர் என்ற பெருமையை பெறுள்ளார் மைராஜ்.

சாங்வோன் உலகக் கோப்பையில் விளையாட சென்ற இந்தியாவின் துப்பாக்கிச் சுடுதல் குழுவில் மூத்த வீரர் மைராஜ்.இவர் 40-ஷாட் இறுதிப் போட்டியில் 37 ஷாட்களை எடுத்தார்.

இவர் கொரியாவின் மின்சு கிம் (36) வெள்ளி, பிரிட்டனின் பென் லெவெலின் (26) வெண்கலம் ஆகியோரை பின்னுக்குத் தள்ளி தங்க பதக்கத்தை வென்றுள்ளார்.