முழு அணியையும் பாராட்டுங்கள் … அவங்க நல்ல விளையாடுறாங்க – கபில் தேவ் பெருமிதம்!

கபில் தேவ்: டி20 உலகக்கோப்பை தொடரில் இந்திய அணி தோல்வியை சந்திக்காமல் தற்போது இறுதி போட்டி வரை தகுதி பெற்றுள்ளது. அதே போல மறுமுனையில் தென்னாபிரிக்கா அணியும் தோல்வியை சந்திக்காமல் முதல் முறையாக ஐசிசி தொடரின் இறுதி போட்டிக்கு தகுதி பெற்றுள்ளது.

இந்த இரு அணிகளும் நாளை இரவு 8 மணிக்கு பார்படாஸில் உள்ள கிரிக்கெட் மைதானத்தில் இறுதி போட்டியில் மோதுகிறது. இந்த போட்டிக்கான பயிற்சியில் தற்போது இந்த 2 அணிகளும் இருந்து வருகின்றனர்.

இந்நிலையில், இந்திய அணியில் முன்னாள் கேப்டனான கபில் தேவ் இந்திய அணி இறுதி போட்டிக்கு தகுதி பெற்றதை குறித்து பெருமிதமாக ANI பத்திரிகைக்கு அளித்த பேட்டியில் கூறி இருக்கிறார்.

அதில், “இந்திய அணியின் ஆட்டம் மிக்க சிறப்பாக இருக்கிறது. இறுதிப் போட்டிக்கு முன்னேறி இருக்கிறார்கள் என்றால் யாராவது அவர்கள் எவ்வளவு சிறப்பாக விளையாடினார்கள் என்று பாருங்கள்.

ஒருவரின் பெயரை மட்டும் அல்லாமல், முழு அணியையும் பாராட்டுங்கள். நான் எப்போதும் ஒரு அணியின் முக்கியத்துவத்தை நம்புகிறேன். ரோஹித் சர்மாவின் தலைமையில் அவர்கள் சிறப்பாக செயல்பட்டுள்ளனர். அவர்கள் அனைவரும் சிறப்பாகவே விளையாடியுள்ளனர்”,  என்று பெருமிதமாக அவர் கூறினார்.