PBKS vs RR : பஞ்சாபை பந்தாடிய ராஜஸ்தான்! 50 ரன்கள் வித்தியாசத்தில் அபார வெற்றி! 

பஞ்சாப் கிங்ஸ் அணியை 50 ரன்கள் வித்தியாசத்தில் ராஜஸ்தான் ராயல்ஸ் அணி வீழ்த்தி அபார வெற்றி பெற்றது.

PBKS vs RR - IPL 2025 (1)

சண்டிகர் : இன்றைய ஐபிஎல் போட்டியில் ஷ்ரேயஸ் ஐயர் தலைமையிலான பஞ்சாப் கிங்ஸ் அணியும், சஞ்சு சாம்சன் தலைமையிலான ராஜஸ்தான் ராயல்ஸ் அணியும் விளையாடின. இந்த போட்டி சண்டிகர் கிரிக்கெட் மைதானத்தில் நடைபெற்றது. இதில் டாஸ் வென்ற பஞ்சாப் பந்துவீச்சை தேர்வு செய்தது.

இதனை அடுத்து விளையாட தொடங்கிய ராஜஸ்தான் ராயல்ஸ் அணியின் தொடக்க வீரர்களான கேப்டன் சஞ்சு சாம்சன் மற்றும் ஜெய்ஸ்வால் நல்ல தொடக்கத்தை அளித்தனர். கேப்டன் சஞ்சு 26 பந்தில் 38 ரன்கள் எடுத்தார்.  ஜெய்ஸ்வால் 45 பந்தில் 67 ரன்கள் குவித்தார்.  நிதிஷ் ராணா 12 ரன்களிலும், ஹெட்மையர் 20 ரன்களிலும் அவுட் ஆகினர். ரியான் பராக் 25 பந்தில் 43 ரன்கள் அடித்தார். 20 ஓவர் முடிவில் ராஜஸ்தான் அணி 4 விக்கெட் இழப்புக்கு 205 ரன்கள் அடித்தனர்.

பஞ்சாப் அணி சார்பாக பெர்குசன் 2 விக்கெட்களையும், மார்கோ ஜான்சன், அர்ஸ்தீப் சிங் ஆகியோர் தலா 1 விக்கெட்டையும் வீழ்த்தினர். 20 ஓவரில் 206 ரன்கள் அடித்தால் வெற்றி என்ற இலக்குடன் பஞ்சாப் அணி அடுத்து களமிறங்கியது.

இதில், பிரியான்ஷ் ஆர்யா டக் அவுட் ஆகி முதல் பந்திலேயே வெளியேறினார். பிரப்சிம்ரன் சிங் 17 ரன்னிலும், கேப்டன் ஷ்ரேயாஸ் ஐயர் 10 ரன்னிலும், மார்கஸ் ஸ்டோனிஸ் 1 ரன்னிலும் அடுத்தடுத்து அவுட் ஆகி வெளியேறினர். நேஹால் வதேரா 62 ரன்கள் எடுத்தும், கிளென் மேக்ஸ்வெல் 30 ரன்கள் எடுத்தும் , சூர்யன்ஷ் ஷெட்ஜ் 2 ரன்னிலும் அவுட் ஆகி பெவிலியன் திரும்பினர்.

இறுதியாக 20 ஓவர் முடிவில் பஞ்சாப் கிங்ஸ் அணி 9 விக்கெட் இழப்புக்கு 155 ரன்கள் எடுத்தது. இதனால் ராஜஸ்தான் அணி 50 ரன்கள் வித்தியாசத்தில் அபார வெற்றி பெற்றது. ராஜஸ்தான் ராயல்ஸ் அணி சார்பாக ஆர்ச்சர் 3 விக்கெட்டுகளை வீழ்த்தினார். தீக்சனா, சந்தீப் சர்மா ஆகியோர் தலா 2 விக்கெட்டுகளை வீழ்த்தினர். குமார் கார்த்திகேயா, ஹஸரங்கா ஆகியோர் தலா 1 விக்கெட் வீழ்த்தினர்.

Follow us

Whatsapp Google News Youtube Facebook Facebook X (formerly Twitter) Twitter Instagram Instagram

லேட்டஸ்ட் செய்திகள்