டெல்லி :முகமது ஷமி, இந்தியாவின் முன்னணி வேகப்பந்து வீரர், 2025 ICC சாம்பியன்ஸ் டிராஃபி தொடரில் 5 போட்டிகளிலும் இந்திய அணிக்காக விளையாடி, 9 விக்கெட்டுகளை வீழ்த்தி அதிக விக்கெட் எடுத்த வீரர்களில் ஒருவராக சிறந்து விளங்கினார். ஆனால், ஆஸ்திரேலியாவுக்கு எதிரான அடுத்த 3 ODI போட்டிகளுக்கான இந்திய அணியில் அவர் இடம்பெறவில்லை. அவருக்கு பதிலாக, முகமது சிராஜ் மற்றும் பிரசித் கிருஷ்ணா ஆகியோர் அணிக்கு திரும்ப சேர்க்கப்பட்டுள்ளனர்.
இந்த முடிவு, ஷமியின் சர்வதேச கிரிக்கெட் எதிர்காலம் குறித்து பல கேள்விகளை எழுப்பியுள்ளது. 35 வயது ஷமி, 2023 ஜூலை முதல் ஒரு டெஸ்ட் போட்டியிலும் விளையாடவில்லை, T20I அணியிலும் இல்லை.ஷமி, ICC நிகழ்ச்சிகளில் இந்தியாவின் அதிக விக்கெட் எடுத்த வீரராக இருந்தாலும், ODI அணியில் இருந்து வெளியேறியதைப் பற்றி புதன்கிழமை தனது யூடியூப் சேனலில் வீடியோ ஒன்றை வெளியிட்டு, மௌனத்தை உடைத்தார்.
இது குறித்து மனதில் வேதனை ஒரு பக்கம் வைத்து கொண்டு பேசிய அவர் “அணியில் தேர்வு என்பது என்னுடைய கையில் இல்லை. அது தேர்வு கமிட்டி, பயிற்சியாளர், கேப்டன் ஆகியோரின் வேலை. அவர்கள் என்னை தேர்ந்தெடுக்க வேண்டும் என்று நினைத்தால் செய்வார்கள், இல்லையென்றால் அது அவர்களின் முடிவு. அழைத்தால் நான் விளையாட தயார்” என்று அவர் கூறினார்.
அதனை தொடர்ந்து சமூக வலைதளங்களில் பரவிய வதந்திகள் மற்றும் மீம்ஸ் குறித்தும் அவர் பேசினார். டெஸ்ட் மற்றும் ODI-யில் இந்தியாவுக்காக 200-க்கும் மேற்பட்ட விக்கெட்டுகளை வீழ்த்திய இந்த வீரர், தொடர்ந்து உழைத்து மேம்படுத்திக் கொள்வேன் என்று கூறினார். ஷமியின் உடல் நலம் நல்ல நிலையில் உள்ளது என்று அவர் உறுதிப்படுத்தினார். “எனது ஃபிட்னஸ் நன்றாக உள்ளது. தரையில் இருந்து விலகியிருந்தபோது கூட உந்துதல் தேவை. டூலீப் டிராஃபியில் விளையாடினேன். அங்கு ரொம்ப வசதியாக இருந்தது, என் ரிதம் நல்லது, 35 ஓவர்கள் பந்து வீசினேன். ஃபிட்னஸ் பிரச்சினை இல்லை” என்று ஷமி தெரிவித்தார்.