“எந்த வரிசையில் களமிறங்கினாலும் மகிழ்ச்சியோடு விளையாடுவேன்” – ரோஹித் சர்மா!

ஆஸ்திரேலிய டெஸ்ட் தொடரில் பேட்டிங்கில் எந்த வரிசையில் களமிறங்க அணி நிர்வாகம் விரும்பினாலும் அந்த வரிசையில் மகிழ்ச்சியோடு பேட்டிங் செய்வேன் என ரோஹித் சர்மா தெரிவித்துள்ளார்.

ஆஸ்திரேலியா சென்றடைந்த கோலி தலைமையிலான இந்திய அணி, டெஸ்ட், ஒருநாள், டி-20 போட்டிகளில் விளையாடவுள்ளது. இந்த தொடரில் பங்கேற்கும் வீரர்களின் பட்டியலை பிசிசிஐ ஏற்கனவே வெளியிட்டுள்ளது. இதில் ஐபிஎல் தொடரில் சிறப்பாக பங்கேற்ற இளம் வீரர்கள் அதிகளவில் இடம்பெற்றுள்ளனர். இந்த பட்டியலில் காயம் காரணமாக ரோஹித் சர்மா இடம்பெறாத நிலையில், மீண்டும் அவர் டெஸ்ட் அணிக்காக தேர்வு செய்யப்பட்டார்.

இந்தநிலையில் காயங்களில் இருந்து மீண்ட ரோஹித் சர்மா, நேற்று பெங்களூர் சின்னசாமி மைதானத்தில் பயிற்சி மேற்கொண்டார் அதன்பின் பேட்டியளித்துள்ள அவர், ஆஸ்திரேலிய டெஸ்ட் தொடரில் பேட்டிங்கில் நான் எந்த வரிசையில் விளையாடுவதற்கு அணி நிர்வாகம் விரும்பினாலும் அந்த வரிசையில் மகிழ்ச்சியோடு பேட்டிங் செய்வேன் என தெரிவித்துள்ளார்.

அதன்படி ஒருநாள் போட்டி, 27ஆம் தேதி தொடங்கி டிசம்பர் 2ஆம் தேதி வரை நடைபெறுகிறது. அதனைதொடர்ந்து நடைபெறவுள்ள டி-20 தொடர், டிசம்பர் 4ஆம் தேதி 11ஆம் தேதி நடைபெறும் எனவும், நான்கு டெஸ்ட் போட்டிகள் டிசம்பர் 17ஆம் தேதி முதல் ஜனவரி 19ஆம் தேதி நடக்கும் என தெரிவிக்கப்பட்டது.