ராஜஸ்தான் அணியை குஜராத் வீழ்த்தும்! முன்னாள் கிரிக்கெட் வீரர்கள் கணிப்பு! 

ஐபிஎல் 2024 : ராஜஸ்தான் அணியை குஜராத் வீழ்த்தும் என பிரையன் லாரா, அம்பதி ராயுடு  ஆகியோர் கூறியுள்ளனர்.

நடப்பாண்டு ஐபிஎல் தொடரில் ராஜஸ்தான் ராயல்ஸ் அணி ஒரு போட்டியில் கூட தோல்வி அடையாமல் விளையாடிய அணைத்து போட்டிகளிலும் வெற்றிபெற்று புள்ளி விவர பட்டியலில் முதலிடத்தில் இருக்கிறது. இந்த சீசனில் அருமையான பார்மில் இருக்கும் ராஜஸ்தான் ராயல்ஸ் அணி இன்று குஜராத் அணியை எதிர்கொள்கிறது. இன்றயை போட்டியிலும் வெற்றிபெறவேண்டும் என்ற முனைப்புடன் ராஜஸ்தான் ராயல்ஸ் அணி களமிறங்க இருக்கிறது.

இந்த நிலையில், இன்று நடைபெறும் போட்டியில் குஜராத் டைட்டன்ஸ் அணி தான் வெற்றிபெறும் என முன்னாள் மேற்கிந்தியத் தீவுகள் கிரிக்கெட் வீரர் பிரையன் லாரா மற்றும் இந்திய கிரிக்கெட் வீரர் அம்பதி ராயுடு  தெரிவித்துள்ளனர். இது குறித்து பிரையன் லாரா  பேசியதாவது ” ராஜஸ்தான் அணி எனக்கு மிகவும் பிடித்த அணியாக மாறியிருக்கிறது. இந்த சீசன் ஐபிஎல் போட்டியில் அவர்கள் மிகவும் சிறப்பாக விளையாடி வருகிறார்கள்.

அவர்கள் அணியில் இருக்கும் எல்லா கிரிக்கெட் வீரர்களும் மிகவும் சூப்பராக விளையாடுகிறார்கள். இதுவரை ஒரு போட்டியில் கூட அவர்கள் தோற்கடிக்கப்படவில்லை. ஆனால், குஜராத் அணி அதனை மாற்றும் என்று நான் நினைக்கிறேன்” எனவும் பிரையன் லாரா கூறியுள்ளார். அவரை தொடர்ந்து பேசிய அம்பதி ராயுடு  ” என்னை பொறுத்தவரையில் குஜராத் டைட்டன்ஸ் மிகவும் சிறந்த அணி. பந்துவீச்சுலும் பேட்டிங்கிலும் அருமையாக இருக்கிறார்கள். ஒரு சில போட்டியில் அவர்கள் தோல்வியை கண்டாலும் அடுத்த சில போட்டிகளில் அவர்கள் சூப்பரான கம்பேக்கை கொடுப்பார்கள்.

இன்று குஜராத் டைட்டன்ஸ் அணி ராஜஸ்தான் ராயல்ஸ் அணியை எதிர்கொள்ளவுள்ளது. இந்த போட்டி மிகவும் சுவாரசியமாக இருக்கும் என்று நான் நினைக்கிறேன். இதுவரை ராஜஸ்தான் ராயல்ஸ் அணி ஒரு போட்டியில் கூட தோற்கவில்லை ஆனால், இன்று நடைபெறும்போட்டியில் குஜராத் டைட்டன்ஸ் அணி  ராஜஸ்தான் அணியை வீழ்த்தும் என நினைக்கிறேன்” என்றும் அம்பதி ராயுடு தெரிவித்துள்ளார்.