பந்து வீச்சில் மிரட்டிய நெதர்லாந்து… 87 ரன்கள் வித்தியாசத்தில் பங்களாதேஷ் தோல்வி..!
![](https://www.dinasuvadu.com/wp-content/uploads/2023/10/NETHERLAND.jpg)
பங்களாதேஷ் அணி 42.2 ஓவரில் அனைத்து விக்கெட்டையும் இழந்து 142 ரன்கள் எடுத்து 87 ரன்கள் வித்தியாசத்தில் தோல்வியை தழுவியது.
ஒருநாள் உலகக்கோப்பை கிரிக்கெட் தொடர் விறுவிறுப்பாக நடந்து வரும் நிலையில், இன்று இரண்டு போட்டிகள் நடைப்பெற்றது. அதன்படி, ஆஸ்திரேலியா மற்றும் நியூசிலாந்து அணிகள் மோதிய முதல் போட்டியில் ஆஸ்திரேலியா 5 விக்கெட் வித்தியாசத்தில் வெற்றி பெற்றது. எதைத்தொடர்ந்து நடைபெற்ற 2-வது போட்டியில் நெதர்லாந்து மற்றும் பங்களாதேஷ் அணிகள் கொல்கத்தாவில் உள்ள ஈடன் கார்டன்ஸ் மைதானத்தில் மோதியது. இந்த போட்டியில் டாஸ் வென்ற நெதர்லாந்து அணி பேட்டிங் தேர்வு செய்தது.
அதன்படி, முதலில் நெதர்லாந்து அணியின் தொடக்க வீரர்களாக விக்ரம்ஜித் சிங், மேக்ஸ் ஓ’டவுட் களமிறங்கினார்கள். தொடக்க வீரர்கள் இருவரும் வந்த வேகத்தில் அடுத்தடுத்து ஆட்டமிழந்து வெளியேறினார்கள். மேக்ஸ் ஓ’டவுட் டக் அவுட் ஆகியும் , விக்ரம்ஜித் சிங் 3 ரன் எடுத்து விக்கெட்டை இழந்தனர். அதன்பிறகு வெஸ்லி பாரேசி மற்றும் அக்கர்மேன் களமிறக்க நிதானமாக விளையாடி வந்த அக்கர்மேன் 15 ரன்னில் ஆட்டமிழந்தார். இருப்பினும் மறுபுறம் விளையாடிய வெஸ்லி பாரேசி சிறப்பாக விளையாடி 41 ரன்கள் எடுத்து ஆட்டமிழந்தார்.
அடுத்து மத்தியில் இறங்கிய ஸ்காட் எட்வர்ட்ஸ், சைப்ரண்ட் ஏங்கல்பிரெக்ட் நிதானமாக விளையாடி அணியின் எண்ணிக்கையை உயர்த்தினார். இதில் ஸ்காட் எட்வர்ட்ஸ் அரைசதம் கடந்து 68 ரன்கள் குவித்தார். பிறகு களமிறங்கிய அனைத்து வீரர்களும் சொற்ப ரன்களில் அடுத்தடுத்து ஆட்டமிழந்து வெளியேறினார்கள். இறுதியில் நெதர்லாந்து அணி 50 ஓவர்களில் அனைத்து விக்கெட்டுகளையும் இழந்து 229 ரன்கள் எடுத்தனர். பங்களாதேஷ் அணியில் முஸ்தாபிசுர் ரஹ்மான், மஹேதி ஹசன், ஷோரிஃபுல் இஸ்லாம், தஸ்கின் அகமது ஆகியோர் தலா 2 விக்கெட்டுகளை வீழ்த்தினர்.
பங்களாதேஷ் அணி 230 ரன்கள் என்ற இலக்குடன் தொடக்க வீரர்களாக லிட்டன் தாஸ், தன்சித் ஹசன் இருவரும் களமிறங்கினர். ஆட்டம் தொடங்கிய சிறிது நேரத்திலே 5-வது ஓவரில் லிட்டன் தாஸ் 3 ரன் எடுத்து விக்கெட்டை இழந்தார். பின்னர் மெஹிதி ஹசன் களமிறங்க மறுபுறம் விளையாடி வந்த மெஹிதி ஹசன் அடுத்த ஓவரில் 15 ரன் எடுத்து வெளியேறினர். அடுத்து நஜ்முல் ஹொசைன் இறங்க ஒரு புறம் மெஹிதி ஹசன் சிறப்பாக விளையாட மறுபுறம் நஜ்முல் நிதானமாக விளையாடி வந்தார்.
இருப்பினும் நஜ்முல் ஹொசைன் 18 பந்தில் 9 ரன் எடுத்து பெவிலியன் திரும்பினார். அடுத்து வந்த அதிரடி வீரர்கள் கேப்டன் ஷகிப் அல் ஹசன் 5, விக்கெட் கீப்பர் முஷ்பிகுர் ரஹீம் 1 ரன் எடுத்து ரசிகர்களுக்கு அதிர்ச்சி கொடுத்து நடையை கட்டினர். இதற்கிடையில் மஹ்முதுல்லாஹ் மட்டும் 20 ரன்கள் எடுக்க மற்ற வீரர்கள் சொற்ப ரன்களில் வெளியேற இறுதியாக பங்களாதேஷ் அணி 42.2 ஓவரில் அனைத்து விக்கெட்டையும் இழந்து 142 ரன்கள் எடுத்து 87 ரன்கள் வித்தியாசத்தில் தோல்வியை தழுவியது.
நெதர்லாந்து அணியில் பால் வான் மீகெரென் 4 விக்கெட்டையும், பாஸ் டி லீடே 2 விக்கெட்டையும் பறித்தனர். நெதர்லாந்து அணி 6 போட்டிகளில் விளையாடி 2 போட்டிகளில் வெற்றியும் , 4 போட்டிகளில் தோல்வியடைந்து 4 புள்ளிகளுடன் 8 -வது இடத்தில் உள்ளது. பங்களாதேஷ் அணி 6 போட்டிகளில் விளையாடி 1 போட்டியில் வெற்றியும் , 5 போட்டிகளில் தோல்வியடைந்து 2 புள்ளிகளுடன் 9 -வது இடத்தில் உள்ளது.
லேட்டஸ்ட் செய்திகள்
“அத்தான் அத்தான்”.. அழகாக வெளியான கார்த்தியின் ‘மெய்யழகன்’ டீசர்.!
September 7, 2024![Meiyazhagan Teaser](https://www.dinasuvadu.com/wp-content/uploads/2024/09/Meiyazhagan-Teaser.webp)
எனக்கு ஏன் காங்கிரஸ் சீட் கொடுக்கவில்லை.? பஜ்ரங் புனியா விளக்கம்.!
September 7, 2024![K C Venugopal - Vinesh Phogat - Bajrang Punia](https://www.dinasuvadu.com/wp-content/uploads/2024/09/K-C-Venugopal-Vinesh-Phogat-Bajrang-Punia.webp)
“RCB கேப்டன் கே.எல்.ராகுல்”! கோஷமிட்ட ரசிகர்கள்..வைரலாகும் வீடியோ!
September 7, 2024![rcb kl rahul](https://www.dinasuvadu.com/wp-content/uploads/2024/09/rcb-kl-rahul.webp)
“வயிற்றெரிச்சல் பழனிச்சாமி., உங்களுக்கு அருகதை இல்லை .” ஆர்.எஸ்.பாரதி கடும் கண்டனம்.!
September 7, 2024![DMK Person RS Bharathi - ADMK Chief secretary Edappadi Palanisamy](https://www.dinasuvadu.com/wp-content/uploads/2024/09/DMK-Person-RS-Bharathi-ADMK-Chief-secretary-Edappadi-Palanisamy.webp)
நிச்சயம் முடிந்து 5 மாதம்: திருமணத்தை நிறுத்திய மலையாள மேக்கப் கலைஞர்.!
September 7, 2024![seema vineeth husband](https://www.dinasuvadu.com/wp-content/uploads/2024/09/seema-vineeth-husband.webp)
விநாயகர் சதுர்த்திக்கு ஏன் கொழுக்கட்டை வைக்கிறாங்கன்னு தெரியுமா?.
September 7, 2024![vinayagar (1) (1) (1)](https://www.dinasuvadu.com/wp-content/uploads/2024/09/vinayagar-1-1-1.webp)