அஸ்வினின் மாதிரி ஐபிஎல் ஏலம்! நடராஜனை ரூ.10 கோடிக்கு எடுத்த சிஎஸ்கே!!

சென்னை : ஐபிஎல் 2025 தொடருக்கான மெகா ஏலம் என்பது வரும் நவ-24 மற்றும் 25ம் தேதிகளில் நடைபெற இருக்கிறது. இதற்கான தக்க வைப்பு வீரர்களின் பட்டியலைச் சமீபத்தில் அந்தந்த அணி வெளியிட்டது. அதிலிருந்து, அடுத்ததாக ஐபிஎல் மெகா ஏலத்திற்கு ரசிகர்கள் காத்திருக்கின்றனர் என்றே கூறலாம்.

அஸ்வினின் மாதிரி ஏலம் :

இதில், ஒவ்வொரு நாளும் ஸ்வாரஸ்யமான தகவல்கள் வெளியாகிக் கொண்டே இருக்கிறது. அந்த வகையில், இந்திய கிரிக்கெட் வீரரான அஸ்வின் அவரது யூடியூப் சேனலில் அவரது ஜுனியர்களை வைத்து மாதிரி ஐபிஎல் ஏலம் ஒன்றை நடத்தி வருகிறார். அதில், இடது கை வேகப் பந்து வீச்சாளரான தங்கராசு நடராஜனை எந்த அணி ஏலத்தில் எடுப்பார்கள் என எதிர்பார்ப்பு இருந்தது.

சிஎஸ்கேவில் நடராஜன் ?

அதன்படி, சென்னை சூப்பர் கிங்ஸ் அணி, நடராஜனைப் போட்டியிட்டு 10 கோடி ரூபாய்க்கு எடுத்தது. இது ஒரு விளையாட்டு ஏலமாகப் பார்க்கப்பட்டாலும் நடராஜனைச் சென்னை அணி வருகிறார் ஏலத்தில் குறி வைப்பார்களா என்ற கேள்வி அனைவரின் மத்தியிலும் எழுந்துள்ளது.ஐபிஎல் தொடரில் பஞ்சாப் அணிக்காக அறிமுகமான வீரர் தான் நடராஜன்.

ஆனால், அங்குப் பெரிதாக ஒன்றும் தாக்கம் ஏற்படுத்தவில்லை. இதனால், அடுத்தபடியாக 2018-ம் ஆண்டில் ஹைதராபாத் அணிக்காக விளையாடி வந்தார். அந்த அணியில் தான் அவரது திறமையை கிரிக்கெட் உலகத்தைத் திரும்பிப் பார்க்க வைத்தார். அதிலிருந்து கிட்டத்தட்ட 6 வருடங்கள் ஹைதராபாத் அணிக்காக விளையாடிய அவரை, இந்த முறை ஹைதராபாத் அணி தக்க வைக்காமல் விடுத்துள்ளது.

நடராஜனின் ஐபிஎல கேரியரை பார்த்தால், கண்டிப்பாகச் சென்னை அணி அல்லது பிற அணிகளும் போட்டியிடுவார்கள் என்பதில் சந்தேகமில்லை. இருந்தாலும், ஒரு தமிழக வீரர் அதுவும் இடது கை வேகப் பந்து வீச்சாளர் சென்னை அணியிலிருந்தால் இந்த ஐபிஎல் தொடர் வேற லெவலில் இருக்கும் என ரசிகர்கள் எதிர்பார்த்து இருக்கின்றனர்.