டெல்லி : இந்திய கிரிக்கெட் ரசிகர்களின் தற்போதைய பெரிய கேள்வியே இதுதான், என்னவென்றால் வரும் 2027-ல் தென்னாப்பிரிக்காவில் நடக்கவிருக்கும் ஒருநாள் உலகக்கோப்பையில் ரோஹித் சர்மா விளையாடுவாரா மாட்டாரா? என்பது தான். ஏற்கனவே, டெஸ்ட் மற்றும் டி20 கிரிக்கெட்டில் இருந்து ஓய்வு பெற்றுவிட்டதால், ரோஹித்தின் ஒட்டுமொத்த டார்கெட்டும் இப்போது 50-ஓவர் உலகக்கோப்பை மீதுதான் உள்ளது.
"அவர் உலகக்கோப்பையை வெல்ல வெறியோடு இருக்கிறார்" என்று அவருடைய சிறுவயது கோச் தினேஷ் லாட் சமீபத்தில் பேட்டி கொடுத்திருந்தாலும், பிசிசிஐ (BCCI) தேர்வுக் குழுவிற்குள் 'பிளான் பி' (Plan B) ரகசியமாகத் தயாராகி வருகிறது என்கிற தகவல் அடிபட்டு வருகிறது. இப்படியான சூழலில், சமீபத்திய நியூசிலாந்து அணிக்கு எதிரான ஒருநாள் தொடர் சொதப்பல் மற்றும் ஐபிஎல்-ல் ஏற்பட்ட ஹாம்ஸ்ட்ரிங் (Hamstring) காயம் காரணமாக, ரோஹித் சர்மாவுக்கு 2027 உலகக்கோப்பைக்கான 'ஆட்டோமேட்டிக் செலக்ட்' கார்டு கிடையாது என்பதை முன்னாள் தேர்வாளர் சபா கரீம் ஓப்பனாகவே சமீபத்திய பேட்டி ஒன்றில் உடைத்துள்ளார்.
ஒருவேளை ரோஹித் மீண்டும் பழையபடி ஃபார்முக்கு வரவில்லை என்றால், அவரது ஓப்பனிங் ஸ்லாட்டைப் பிடிக்கக் காத்திருக்கும் அந்த 3 இளம் புயல்கள் யார்? பிசிசிஐ-யின் கணக்கு என்ன? முழுமையாகப் பார்ப்போம்.
ரோஹித்தின் இடத்தை குறிவைக்கும் 'அந்த' 3 ஓப்பனர்கள்
ரோஹித் சர்மாவின் ஸ்ட்ரைக் ரேட்டையும், அதிரடி ஓப்பனிங் ஸ்டைலையும் அப்படியே ரீ-பிளேஸ் செய்ய பிசிசிஐ லிஸ்ட்டில் வைத்துள்ள 3 முக்கியமான ஆப்ஷன்கள்:
1. ருதுராஜ் கெய்க்வாட் (Ruturaj Gaikwad)
ஆப்கானிஸ்தான் ஒருநாள் தொடருக்கான இந்திய அணியில் கேப்டன் ரோஹித் சர்மாவின் பிட்னஸ் கேள்விக்குறியாக இருக்கும் போதே, மாற்று வீரராக முதலில் அடிபட்ட பெயர் ருதுராஜ் கெய்க்வாட். ஐபிஎல் தொடர்களில் சென்னை சூப்பர் கிங்ஸ் அணியின் கேப்டனாகத் தொடர்ந்து 500-க்கும் அதிகமான ரன்களைக் குவித்து அசுர ஃபார்மில் இருக்கும் இவர், லிஸ்ட்-ஏ (உள்நாட்டு ஒருநாள் போட்டிகள்) கிரிக்கெட்டிலும் 60-க்கும் அதிகமான அசாத்திய பேட்டிங் சராசரி வைத்துள்ளார்.
ரோஹித் சர்மாவைப் போலவே ஆரம்பத்தில் விக்கெட்டை விடாமல் நிதானித்து, பிட்ச் செட் ஆன பிறகு எதிரணி பந்துவீச்சை ருத்ரதாண்டவம் ஆடக்கூடிய அச்சு அசலான பேட்டிங் டெக்னிக் கொண்டவர் ருதுராஜ். இதன் காரணமாகவே, எதிர்காலத்தில் ரோஹித் சர்மாவுக்கு மிகச் சரியான நீண்ட கால மாற்றாக பிசிசிஐ இவரைத்தான் முதன்மையாகப் பார்த்து வருகிறது.
2. கில் (Shubman Gill)
ஏற்கனவே ஒருநாள் போட்டிகளில் இரட்டை சதம் அடித்து அசத்தியவர். ரோஹித் சர்மா ஒரு நாள் போட்டிகளில் கேப்டனாக இருந்த நிலையில், சமீபகாலமாக கில் தான் அணியை ஒரு நாள் போட்டிகளிலும் வழிநடத்தி செல்கிறார். இந்திய ஒருநாள் அணியை அடுத்த தலைமுறைக்கு கொண்டு செல்ல கில் தான் ஓப்பனர். ரோஹித் இல்லையென்றால், அணியின் சீனியர் ஓப்பனர் பொறுப்பு இவருக்குத்தான் சேரும்.
3. யாஷஸ்வி ஜெய்ஸ்வால் (Yashasvi Jaiswal)
ரோஹித் சர்மாவை போல அதிரடியாக ஆடக்கூடிய திறன் வைத்துள்ள யாஷஸ்வி ஜெய்ஸ்வால் பேட்டிங் பற்றி சொல்லியே தெரியவேண்டாம். எனவே, 'லெஃப்ட்-ரைட் காம்பினேஷன்' வேண்டும் என்று செலக்டர்கள் நினைத்தால், ஜெய்ஸ்வாலை ஓப்பனிங்கில் இறக்கிவிட்டு அணியின் வேகத்தை கூட்ட பிசிசிஐ யோசித்து வருகிறது.
எனவே, "ரோஹித் சர்மா தூக்கப்படுகிறாரா?" என்ற கேள்விக்கு தற்போதைய பதில் உறுதியாக 'இல்லை, ஆனால் கண்காணிப்பில் இருக்கிறார்' என்பதுதான் உண்மை. ரோஹித் சர்மாவின் அனுபவம் உலகக்கோப்பை பைனல் வரை செல்ல இந்திய அணிக்கு தேவை என்று கோச் தினேஷ் லாட் வாதிட்டாலும், பிசிசிஐ-யின் தற்போதைய கவலை 39 வயதாகும் ரோஹித்தின் பிட்னஸ் மட்டுமே.
இந்திய அணிக்கு அடுத்து வரவிருக்கும் நியூசிலாந்துக்கு எதிரான 5 போட்டிகள் கொண்ட ஒருநாள் தொடர் (ODI Series) தான் ரோஹித் சர்மாவின் உலகக்கோப்பை கனவை தீர்மானிக்கும் இறுதி மேடையாக இருக்கப்போகிறது.
2019 ஒருநாள் உலகக்கோப்பை தொடரில் தென்னாப்பிரிக்கா (122*), பாகிஸ்தான் (140), இங்கிலாந்து (102), பங்களாதேஷ் (104) மற்றும் இலங்கை (103) ஆகிய ஐந்து நாடுகளுக்கு எதிராக 5 சதங்களுடன் ஒட்டுமொத்தமாக 648 ரன்கள் விளாசி உலக சாதனை படைத்த ரோஹித் அதே பழைய 'ஹிட்மேன்' மோடுக்கு திரும்பினால், 2027 உலகக்கோப்பையில் அவர்தான் இந்தியாவின் முக்கிய ஆயுதம். ஒருவேளை காயங்கள் தொடர்ந்தால், பிசிசிஐ தங்களின் 'பிளான் பி' மூலம் ருதுராஜ் அல்லது ஜெய்ஸ்வாலை களமிறக்க தயங்காது. கிரிக்கெட் களத்தில் சென்டிமென்ட்டுகளை விட பிட்னஸ் தான் ஜெயிக்கும் என்பது ஆக சிறந்த உண்மை.