2024 ஆண்கள் டி20 உலகக் கோப்பைக்கு $11,250,000 பரிசுத் தொகை – ஐ.சி.சி.

ஐ.சி.சி. 2024 ஆண்கள் டி20 உலகக் கோப்பைக்கான பரிசுத்தொகை  11.25 மில்லியன் அமெரிக்க டாலர்களை அறிவித்துள்ளது. இதில், வெற்றி பெறும் அணிக்கு குறைந்தபட்சம் $2.45 மில்லியன் வழங்கப்படும்.

இரண்டாவது இடம் பெறும் அணிக்கு $1.28 மில்லியன் வழங்கப்படும், மற்றும் அரையிறுதியில் தோற்கும் அணிகள் ஒவ்வொன்றும் $787,500 பெற்றுக் கொள்ளும். இரண்டாம் சுற்றை தாண்டாத அணிகள் ஒவ்வொன்றும் $382,500 பெறுவார்கள்.

9 முதல் 12 ஆவது இடத்தில் இருக்கும் அணிகள் $247,500 பெற்றுக் கொள்வார்கள். 13 முதல் 20 ஆவது இடங்களில் இருக்கும் அணிகள் ஒவ்வொன்றும் $225,000 பெற்றுக் கொள்வார்கள். கூடுதலாக, அரையிறுதியும் இறுதிப் போட்டியும் தவிர மற்ற ஒவ்வொரு வெற்றிப் போட்டிக்கும் ஒவ்வொரு அணிக்கும் $31,154 வழங்கப்படும்.