இன்றைய 01.09.2021 பெட்ரோல் & டீசல் விலை.!
சென்னையில் பெட்ரோல் லிட்டருக்கு ரூ 99.08-க்கும் , டீசல் லிட்டருக்கு ரூ 93.38-க்கும் விற்பனை.
சர்வதேச சந்தையில் நிலவும் கச்சா எண்ணெய் விலையின் அடிப்படையில், பெட்ரோல், டீசல் விலைகளை, எண்ணெய் உற்பத்தி நிறுவனங்கள் நிர்ணயம் செய்கின்றன. அந்த வகையில், தமிழகத்தில் இந்த வருட தொடக்கத்திலிருந்து பெட்ரோல் விலை உயர்ந்தது. பல மாவட்டங்களில் பெட்ரோல் விலை ரூபாய் 100 க்கு மேல் விற்பனையாகி வந்தது.
கொரோனா காரணமாக ஊரடங்கு பிறப்பிக்கப்பட்டு, மக்களின் அன்றாட வாழ்க்கை பாதித்துள்ள நிலையிலும் பெட்ரோல், டீசல் விலையானது அதிகரித்து வந்தது வாகன ஓட்டிகளை சிரமத்துக்கு உள்ளாக்கியது. மேலும், தமிழக அரசின் பட்ஜெட் அறிவிப்பையடுத்து பெட்ரொல் விலை லிட்டருக்கு 3 ரூபாய் குறைப்பு அமல்படுத்தப்பட்டுள்ளது.
இந்த நிலையில், கடந்த 7 நாட்களாக சென்னையில், பெட்ரோல் டீசல் மாற்றம் செய்யப்படாமல் பெட்ரோல் லிட்டருக்கு ரூ 99.20-க்கும் டீசல் லிட்டருக்கு ரூ 93.52-க்கும் விற்பனையானது. இன்றைய நிலவரப்படி, பெட்ரோல் லிட்டருக்கு 12 காசுகள் குறைந்து ரூ 99.08 ஆகவும், டீசல் 14 காசுகள் குறைந்து ரூ 93.38 ஆகவும் விற்பனையாகிறது. இந்த விலை குறைப்பு இன்று காலை முதல் அமலுக்கு வந்தது.
