#Gold: தங்கம் விலை மேலும் சரிவு! சவரனுக்கு ரூ.120 குறைந்தது.!

சென்னையில், 22 கேரட் ஆபரணத் தங்கத்தின் விலை கிராமுக்கு ரூ.15 குறைந்து, ஒரு கிராம் ஆபரணத் தங்கத்தின் விலை ரூ.5,045-க்கு விற்பனை செய்யப்படுகிறது.

எந்த அணிகலன்கள் அணிந்தாலும் தங்க அணிகலன்களுக்கு எப்பொழுதும் மவுசு கொஞ்சம் அதிகம் தான். மக்களும் தங்கத்தில் அதிகளவு முதலீடு செய்கின்றனர். தங்கத்தின் விலையில் அவ்வப்போது ஏற்ற இறக்கம் காணப்படுவதுண்டு. அந்த வகையில் இன்று தங்கம் விலை குறைந்துள்ளது.

கடந்த இரு தினங்களுக்கு முன் தங்கத்தின் விலை கிராமுக்கு ரூ.100 அதிகரித்த நிலையில் இன்று சென்னையில், 22 கேரட் ஆபரணத் தங்கத்தின் விலை கிராமுக்கு மேலும் ரூ.15 குறைந்து, ஒரு கிராம் ஆபரணத் தங்கத்தின் விலை ரூ.5,045-க்கு விற்பனை செய்யப்படுகிறது. சவரனுக்கு ரூ.120 குறைந்து, ஒரு சவரன் ரூ.40,360க்கு விற்பனையாகிறது.

சென்னையில் வெள்ளியின் விலை, 20 காசுகள் குறைந்து ஒரு கிராம் வெள்ளியின் விலை ரூ.72.50 க்கும், விற்பனை செய்யப்படுகிறது. மேலும் ஒரு கிலோ வெள்ளியின் விலை ரூ.200 குறைந்து ரூ.72,500-க்கும் விற்பனை செய்யப்படுகிறது.