BREAKING:முட்டை விலை வரலாறு காணாத சரிவு.! ரூ.2 க்கு கீழ் சென்ற முட்டை விலை.!

கொரோனா பீதியில் கடந்த 10 ஆண்டுகளில் இல்லாத அளவாக நாமக்கல்லில் முட்டை கொள்முதல் விலை சரிந்துள்ளது. நாமக்கல்லில் முட்டை கொள்முதல் விலை 70 காசுகள் குறைந்து ரூ.1.95 விற்பனை செய்யப்படுகிறது

பிராய்லர் கோழி மூலம் கொரோனா வைரஸ் பரவுகிறது.எனவே  யாரும் கோழி இறைச்சியை சாப்பிட வேண்டாம் என சில மர்ம நபர்கள் சமூக வலைத்தளங்களில் வதந்தியை பரப்பியதால் பொதுமக்கள் பீதி அடைந்துள்ளனர்.

மேலும்  முட்டை, கோழி இறைச்சியை பொதுமக்கள் தவிர்த்து வருகின்றனர். அதனால் முட்டை, கோழி விலை படிப்படியாக குறைக்கப்பட்டுள்ளது.

நாமக்கல்லில் உள்ள கோழிப்பண்ணைகள் மூலம் தினமும்  4 கோடி முட்டைகள் உற்பத்தி செய்யப்பட்டுகிறது.இதனால் நாமக்கல்லில் நேற்றுவரை  10 கோடி முட்டைகள் தேக்கம் அடைந்துள்ளதாக கோழிப் பண்ணையாளர்கள் கூறினர்.