பாஜக துணைத் தலைவர் நீக்கம் – நயினார் நாகேந்திரன் அதிரடி

சென்னை : தமிழ்நாட்டில் சட்டமன்றத் தேர்தல் நெருங்கி வரும் நிலையில், அரசியல் கட்சிகளின் வேட்பாளர்கள் தீவிரமாக வேட்புமனு தாக்கல் செய்து வருகின்றனர். இந்தச் சூழலில், பாஜகவின் தஞ்சை தெற்கு மாவட்ட துணைத் தலைவராக இருந்த திரு. R. முரளீதரன், கட்சியின் ஒழுங்கை மீறி செயல்பட்டதால் பாஜகவில் இருந்து நீக்கப்பட்டுள்ளார்.

பாஜக தரப்பில் வெளியிடப்பட்டுள்ள அதிகாரப்பூர்வ அறிக்கையில், வேட்பாளர் பட்டியல் இன்னும் வெளியாகாத நிலையில், தஞ்சையில் முரளீதரன் வேட்புமனு தாக்கல் செய்தது கட்சிக் கட்டுப்பாட்டை மீறிய செயலாகக் கருதப்பட்டது. இதன் காரணமாகவே அவர் கட்சியில் இருந்து நீக்கப்பட்டதாக பாஜக தெரிவித்துள்ளது.

மேலும், அந்த அறிக்கையில், “தஞ்சாவூர் தெற்கு மாவட்டத்தைச் சார்ந்த மாவட்ட துணைத் தலைவர் கட்டுப்பாட்டை மீறியதாலும், திரு. R. முரளீதரன் அவர்கள் கட்சியின் பெயருக்கு களங்கம் விளைவிக்கும் செயல்களில் ஈடுபட்டு வந்ததாலும், அவர் வகித்து வந்த கட்சியின் பொறுப்பில் இருந்தும், அடிப்படை உறுப்பினரிலிருந்தும் நீக்கப்படுகிறார்” என்று தெளிவாகக் கூறப்பட்டுள்ளது.

மேலும், அறிக்கையில் இறுதியாக, “ஆகவே கட்சியின் நிர்வாகிகள் மற்றும் தொண்டர்கள் அவர்களிடம் எவ்வித தொடர்பும் வைத்துக் கொள்ள வேண்டாம்” என்று அனைவருக்கும் அறிவுறுத்தப்பட்டுள்ளது. குறிப்பாக, பாஜக இன்னும் அதிகாரப்பூர்வ வேட்பாளர் பட்டியலை வெளியிடாத நிலையில், முரளீதரன் தன்னிச்சையாக வேட்புமனு தாக்கல் செய்த செயல் கட்சியின் உள் ஒழுங்குக்கு எதிரானதாக பாஜகவினர் கருதுகின்றனர்.

இந்த நடவடிக்கை, கட்சியின் கட்டுப்பாட்டை வலியுறுத்தும் வகையில் எடுக்கப்பட்டுள்ளதாகக் கூறப்படுகிறது.இந்தச் சம்பவம் தஞ்சை தெற்கு மாவட்ட பாஜகவில் பெரும் பரபரப்பை ஏற்படுத்தியுள்ளது. முரளீதரன் மீதான நீக்க நடவடிக்கை கட்சியின் பிற நிர்வாகிகள் மற்றும் தொண்டர்களுக்கு ஒரு எச்சரிக்கையாகவும் பார்க்கப்படுகிறது.