மாணவர்கள் கவனத்திற்கு.! JEE அட்வான்ஸ் தேர்வுகளுக்கு இன்று முதல் விண்ணப்பிக்கலாம்…

JEE அட்வான்ஸ் தேர்வுகளுக்கு இன்று முதல் விண்ணப்பிக்கலாம்.

விருப்பமுள்ள மாணவர்கள் https://jeeadv.ac.in/ என்ற இணையதளத்தில் மே7ம் தேதி வரை விண்ணப்பிக்கலாம். இதற்கான தேர்வுகள் ஜூன் 4ம் தேதி நடத்தப்பட உள்ளது.  நேற்று JEE முடிவுகள் வெளியான நிலையில், JEE அட்வான்ஸ்-க்கான விண்ணப்பங்கள்
இன்று முதல் வழங்கப்படுகின்றன.

என்ஐடி, ஐஐடியில் இளநிலை பொறியியல் படிப்புகளில் சேருவதற்காக இந்த தேர்வு நடத்தப்படுகிறது. தாள் 1 காலை 9.00 மணி முதல் மதியம் 12.00 மணி வரையிலும், தாள் 2 பிற்பகல் 2.30 மணி முதல் மாலை 5.30 மணி வரையிலும் நடத்தப்படும்.

தகுதி வரம்பு:

விண்ணப்பதாரர்கள் அக்டோபர் 1, 1998 அல்லது அதற்குப் பிறகு பிறந்திருக்க வேண்டும். SC, ST மற்றும் PwD விண்ணப்பதாரர்களுக்கு ஐந்தாண்டு வயது தளர்வு வழங்கப்படுகிறது. அதாவது, இந்த விண்ணப்பதாரர்கள் அக்டோபர் 1, 1993 அன்று அல்லது அதற்குப் பிறகு பிறந்திருக்க வேண்டும்.

JEE அட்வான்ஸ் தேர்வு:

இந்திய தொழில்நுட்ப கல்வி நிறுவனங்களில் (ஐஐடி) பல்வேறு திட்டங்களில் சேர்க்கைக்காக ஜேஇஇ அட்வான்ஸ்டு தேர்வு நடத்தப்படுகிறது. ஒரு மாணவர் தொடர்ந்து இரண்டு ஆண்டுகளில் JEE தேர்வை அதிகபட்சம் இரண்டு முறை முயற்சி செய்யலாம். தேர்வு கணினி அடிப்படையிலான தேர்வு (CBT) முறையில் மட்டுமே நடைபெறும்.