தூக்குமேடை ஏறத் தயார்.! அதிகாரியை செருப்பால் அடித்த விவகாரத்தில் பாஜக பெண் பிரமுகர் பதில்.!
வேளாண் அதிகாரி தவறாக பேசியதால் தான் அடித்தேன் என வீடியோ மூலம் பேசி இணையத்தில் பதிவிட்டுள்ளார் சண்டிகர் பாஜக பிரமுகர் சோனாலி போகட்.
கடந்த ஆண்டு அரியானாவில் நடைபெற்ற சட்டமன்ற தேர்தலில் பாஜக சார்பாக போட்டியிட்டு தோல்வியடைந்தவர் சோனாலி போகட். இவர் கடந்த சில நாட்களுக்கு முன்னர் விவசாய சந்தைக்கு சென்று விவசாயிகளின் கோரிக்கைகள் தொடர்பாக வேளாண் உற்பத்தி சந்தைக் குழுவின் செயலாளர் சுல்தான் சிங்கை சந்தித்து பேசினார்.
அப்போது இருவருக்கும் ஏற்பட்ட வாக்குவாதத்தில் சோனாலி, தனது செருப்பால் வேளாண் அதிகாரியை அடித்துவிட்டார். அந்த வீடியோ வைரலாக பரவியது. இது குறித்து போலீசார் வழக்குப்பதிவு செய்து விசாரணை செய்தனர்.
அப்போது போலீஸ் விசாரணை முடிந்தபின்பு தனது, இணையதள பக்கத்தில் வீடியோ ஒன்றை சோனாலி பதிவிட்டார். அதில், தன்னை அந்த அதிகாரி தவறாக பேசியதாகவும், அந்த இடத்தில் ஒரு பெண் என்ன செய்திருப்பாளோ அதனை தான் நான் செய்தேன். அதற்காக என்ன தண்டனை கொடுத்தாலும் நான் ஏற்றுக்கொள்கிறன். தூக்குத்தண்டனை கொடுத்தாலும் ஏற்றுக்கொள்கிறேன்.’ என அந்த வீடியோவில் பதிவிட்டுள்ளார்.
