செப்.1 முதல் 9-12 ஆம் வகுப்புகளுக்கு பள்ளிகள் திறப்பு..!-ராஜஸ்தான் அரசு அறிவிப்பு..!

செப்டம்பர் 1 முதல் 9-12 ஆம் வகுப்புகளுக்கு பள்ளிகள் திறக்கப்படுவதாக ராஜஸ்தான் அரசு தெரிவித்துள்ளது.

இந்தியாவில் கொரோனா வைரஸ் இரண்டாம் அலை தீவிரமாக பரவி வந்த நிலையில், இந்த வைரஸ் பாதிப்பால் பலர் பாதிக்கப்பட்ட நிலையில், பலர் உயிரிழந்துள்ளனர். இந்நிலையில் இதனை தடுக்க மத்திய மாநில அரசுகள் பல்வேறு முன்னெச்சரிக்கை நடவடிக்கைகளை மேற்கொண்டு வருகிறது.

அதன்படி தற்போது அனைத்து மாநிலங்களிலும் தடுப்பூசி போடப்பட்டு வருகிறது. இதனை அடுத்து தற்போது தொற்று பாதிப்பு குறைந்து வருவதால், பல மாநிலங்களில் தளர்வுகள் அறிவிக்கப்பட்டு வருகிறது.

ராஜஸ்தானில் வரும் செப்டம்பர் 1 ஆம் தேதி முதல் 9 முதல் 12 ஆம் வகுப்புகளுக்கு பள்ளிகள் திறக்கப்படுவதாக அம்மாநில அரசு தெரிவித்துள்ளது. இதனால் பள்ளிகளில் பின்பற்ற வேண்டிய வழிகாட்டு நெறிமுறைகளை பற்றி அறிவித்துள்ளது. அதன்படி பள்ளிகளில் 50% மாணவர்கள் இரண்டு பிரிவுகளாக பங்கு பெற வழிவகை செய்துள்ளனர்.

மேலும், காலை 7.30 மணி முதல் 12.30 மணி மற்றும் 12.30 மணி முதல் 5.30 மணி வரை இரண்டு பிரிவுகளாக 9, 11 ஆம் வகுப்புகளுக்கு பள்ளிகள் நடைபெறும். அதேபோல், காலை 8 மணி முதல் 1 மணி வரை மற்றும் பிற்பகல் 1 மணி முதல் 6 மணி வரை 10, 12 ஆம் வகுப்புகளுக்கு பள்ளிகள் நடைபெறும். இதனை  தொடர்ந்து பள்ளி  ஆசிரியர்களும், மாணவர்களும் கொரோனா விதிமுறைகளை பின்பற்ற வேண்டும். பள்ளிக்கு தடுப்பூசி செலுத்திய ஆசிரியர்கள் மட்டுமே வர வேண்டும்.