620 நாட்களுக்கு பிறகு பெட்ரோல், டீசல் விலையில் வரும் மாற்றம்?

620 நாட்களுக்கு பிறகு பெட்ரோல், டீசல் விலை குறைப்பு குறித்த அறிவிப்பு இன்றிரவு வெளியாகலாம் என தகவல் வெளியாகியுள்ளது. இந்தியாவில் சர்வதேச சந்தை நிலவரத்துக்கு ஏற்ப பெட்ரோல், டீசல் விலைகளை எண்ணெய் நிறுவனங்கள் நிர்ணயிக்கின்றன. கடந்த 2021-ம் ஆண்டு கச்சா எண்ணெய் விலை மிக அதிகமாக இருந்த காரணத்தால் சென்னையில் ஒரு லிட்டர் பெட்ரோல் விலை 112 ரூபாயை தொட்டது. அதுபோல டீசல் விலையும் 103 ரூபாயாக உயர்ந்தது.

கடந்த 2022ல் மே மாதம் 21-ந்தேதி மத்திய அரசு கச்சா எண்ணெய் இறக்குமதி மீதான கலால் வரியை குறைத்தது. இதன் காரணமாக பெட்ரோல் விலையானது லிட்டருக்கு ரூ.9-ம், டீசல் ரூ.7.50 காசும் குறைந்தது. இதையடுத்து கடந்த 620 நாட்களாக பெட்ரோல், டீசல் விலையில் எவ்வித மாற்றமும் செய்யப்படவில்லை. இந்த நிலையில் சர்வதேச சந்தையில் கச்சா எண்ணெய் விலையில் வீழ்ச்சி ஏற்பட்டுள்ளதன் காரணமாக இந்தியாவில் பெட்ரோல், டீசல் விலையை குறைப்பது பற்றி இந்திய எண்ணெய் நிறுவனங்கள் ஆய்வு செய்கின்றனர்.

PAYTM செயல்பாடுகளை பிப்ரவரி 29ம் தேதிக்கு பிறகு முழுமையாக நிறுத்த RBI உத்தரவு

அதன்படி பிப்ரவரி 1ஆம் தேதி முதல் பெட்ரோல் விலையில் லிட்டருக்கு ரூ.10 மற்றும் டீசல் விலையில் ரூ.7 குறைக்க வாய்ப்பு ஏற்பட்டுள்ளதாக கூறப்படுகிறது. இது தொடர்பான அறிவிப்பு இன்றிரவு வெளிவரலாம் என எதிர்பார்க்கப்படுகிறது. தற்போது சென்னையில் பெட்ரோல் லிட்டருக்கு ரூ.102.63க்கும் டீசல் ரூ.94.24க்கும் விற்பனையாவது குறிப்பிடத்தக்கது.