உத்தரகாண்ட் மாநிலம் டேராடூனில் நிலநடுக்கம்..!

by SharmiPosted on August 10, 2021

உத்தரகாண்ட் மாநிலத்தில் உள்ள டேராடூன் பகுதியில் நிலநடுக்கம் ஏற்பட்டுள்ளதாக புவியியல் ஆய்வு மையம் தெரிவித்துள்ளது.

உத்தரகாண்ட் மாநிலத்தில் உள்ள டேராடூன் பகுதியில் இன்று மதியம் நிலநடுக்கம் ஏற்பட்டுள்ளது. மதியம் 1.32 மணியளவில் ஜோஸ்மத் நகரத்திலிருந்து மேற்கு நோக்கி 152 கிலோ மீட்டர் தொலைவில் இந்த நிலநடுக்கம் ஏற்பட்டுள்ளது. மேலும் இது பூமிக்கு அடியே 10 கிலோமீட்டர் ஆழத்தில் மையம் கொண்டு இருந்துள்ளது.

இந்த நிலநடுக்கம் ரிக்டர் அளவுகோலில் 3.8 ஆக பதிவாகியுள்ளது. மேலும் இதனால் அந்த பகுதியின் கட்டிடங்கள் சற்று அதிர்ந்ததாக தகவல் வெளிவந்துள்ளது. இதனையடுத்து, இந்த நிலநடுக்கத்தால் உயிரிழப்புகள் ஏதும் நிகழவில்லை என்றும் தகவல் வெளிவந்துள்ளது.