ஆந்திராவில் ஒரே நாளில் 7,956 பேருக்கு கொரோனா தொற்று!

ஆந்திரா மாநிலத்தில் இன்று ஒரே நாளில் 7,956 பேருக்கு கொரோனா தொற்று உறுதியானதாக அம்மாநில சுகாதாரத்துறை அமைச்சகம் தெரிவித்துள்ளது.

ஆந்திராவில் கடந்த சில தினங்களாக கொரோனா பாதித்தோரின் எண்ணிக்கை தொடர்ந்து அதிகரித்து கொண்டே வந்த நிலையில், கடந்த சில தினங்களாக குறைய தொடங்கியது.

இந்தநிலையில், அம்மாநிலத்தில் இன்று ஒரே நாளில் 7,956 பேருக்கு கொரோனா தொற்று உறுதிசெய்யப்பட்டுள்ளது. இதனால் அங்கு கொரோனா பாதித்தோரின் எண்ணிக்கை 5,75,079 ஆக உயர்ந்துள்ளது. அதில் 60 பேர் உயிரிழந்துள்ள நிலையில், உயிரிழந்தோர் எண்ணிக்கை 4,972 ஆக உள்ளது.

மேலும் 9,764 பேர் கொரோனா தொற்றிலிருந்து மீண்டு, வீடு திரும்பிய நிலையில், குணமடைந்தோர் எண்ணிக்கை 4,76,903 ஆக அதிகரித்துள்ளது. அதுமட்டுமின்றி 93,204 பேர் கொரோனா தொற்றுக்கு சிகிச்சை பெற்று வருவதாக அம்மாநில சுகாதாரத்துறை அமைச்சகம் தெரிவித்துள்ளது.