பிஇ மாணவர் சேர்க்கை – வேதியியல் பாடம் கட்டாயமில்லை...!

பிஇ மாணவர் சேர்க்கையில் வேதியியல் பாடம் கட்டாயமில்லை என்று உயர்கல்வித்துறை அறிவித்துள்ளது.

தீவிரமாக பரவிய கொரோனா பரவல் காரணமாக தமிழகத்தில் கடந்த ஒரு வருடத்திற்கு மேலாக பள்ளி, கல்லூரிகள் திறக்கப்படாமலேயே உள்ளது. கொரோனா பரவல் இன்னும் முடிவுக்கு வராததால் பள்ளிகள் மற்றும் கல்லூரிகள் திறக்கப்படுமா என்ற சந்தேகம் இருந்த நிலையில் செப்டம்பர் 1 ஆம் தேதி முதல் கல்லூரி மாணவர்களுக்கு நேரடி வகுப்புகள் சுழற்சி முறையில் நடைபெறும் என்று தமிழக அரசு நேற்று முன்தினம் அறிவித்தது.

எனினும்,பொறியியல் படிப்புக்கான சேர்க்கை கடந்த ஜூலை 26 ஆம் தேதியிலிருந்து ஆன்லைன் வழியாக நடைபெற்று வருகிறது. இதுவரை ஒன்றரை லட்சத்துக்கும் மேற்பட்டோர் பொறியியல் படிப்பில் சேர விண்ணப்பித்துள்ளனர்.

இந்நிலையில்,பொறியியல் மாணவர் சேர்க்கைக்கு வேதியியல் பாடம் கட்டாயம் இல்லை என தமிழக அரசு அறிவித்துள்ளது.கணிதம்,இயற்பியல் பாடங்களுடன் வேதியியல் பாட மதிப்பெண் கட்டாயமாக இருந்த நிலையில் தற்போது இந்த நடைமுறை மாற்றப்பட்டுள்ளது.

மேலும்,பொறியியல் படிப்புகளில் சேர்வதற்கான விண்ணப்ப பதிவு நாளையுடன் முடியும் நிலையில் அதற்கான வழிகாட்டுதல் நெறிமுறைகளை உயர்கல்வித்துறை வெளியிட்டுள்ளது.அதன்படி,10 மற்றும் 12ஆம் வகுப்பு கணிதம், இயற்பியல் பாடத்தின் மதிப்பெண்,ரேண்டம் எண்,பிறந்த தேதி அடிப்படையில் சேர்க்கை நடைபெறும் என்று தெரிவிக்கப்பட்டுள்ளது.