தனது சம்பளத்தை குறைத்த நடிகர் உதயா!

நடிகர் உதயா தனது சம்பளத்தை குறைப்பதாக கூறியுள்ளார். 

இந்தியா முழுவதும், கொரோனா வைரஸ் தீவிரமாக பறவை வருகிற நிலையில், இதனை கட்டுப்படுத்த இந்திய அரசு பல முன்னெச்சரிக்கை நடவடிக்கைகளை மேற்கொண்டு வருகின்றனர். அந்த வகையில், இந்தியா முழுவதும் ஊரடங்கு உத்தரவு பிறப்பிக்கப்பட்டுள்ளது. 

இதனால், சினிமா படப்பிடிப்புகள் அனைத்தும் ரத்து செய்யப்பட்டுள்ள நிலையில், இந்த ஊரடங்கால் சினிமா தொழிலாளர்கள் பெரியளவில் பாதிக்கப்பட்டுள்ளனர். இதனை தொடர்ந்து, பிரபலங்கள் பலரும், இவர்களுக்கு உதவும் வகையில் தங்களாலான உதவிகளை செய்து வருகின்றனர். 

இந்நிலையில், கொரோனா அச்சுறுத்தலால், நடிகர் விஜய் ஆண்டனி, ஹரிஷ் கல்யாண், இயக்குனர் ஹரி ஆகியோர் தங்களது சம்பளத்தை குறைத்துள்ளதை தொடர்ந்து, நடிகர் உதயாவும் தனது சம்பளத்தை குறைப்பதாக கூறியுள்ளார். 

இதுகுறித்து அவர் வெளியிட்டுள்ள அறிக்கையில், நான் தற்போது நடித்துக் கொண்டிருக்கும் அக்கினி நட்சத்திரம், மாநாடு படங்களுக்கு ஒத்துக்க கொண்ட சம்பளத்திலிருந்து 40% குறைத்துக் கொள்வதாக தெரிவித்துள்ளார்.