சிம்ரன் மட்டும் வேண்டவே வேண்டாம்! அடம்பிடித்த ஆண்டவர்..உண்மையை உடைத்த இயக்குனர்!

Simran : கமல்ஹாசன் தன்னுடைய படம் ஒன்றில் சிம்ரனை நடிக்க வைக்கவேண்டாம் என்று கூறியுள்ளதாக தகவல்கள் வெளியாகி இருக்கிறது.

ஒரு காலத்தில் சிம்ரன் எந்த அளவிற்கு முன்னணி நடிகையாக இருந்தார் என்பதை பற்றி சொல்லியே  தெரிய வேண்டாம். அந்த அளவிற்கு அவர் 90ஸ் காலகட்டத்தில் தொடர்ச்சியாக பல பெரிய நடிகர்களுக்கு ஜோடியாக நடித்து முன்னணி நடிகையாக வலம் வந்து கொண்டிருந்தார். தற்போது முன்னணி நடிகையாக வளர்ந்து விட்டாலும் கூட அவருக்கு பெரிய அளவில் சமீபகாலமாக பட வாய்ப்புகள் வருவதில்லை.

இருப்பினும் ஆரம்ப காலத்தில் எல்லாம் பல பெரிய நடிகர்கள் தங்களுடைய படங்களில் தங்களுக்கு ஜோடியாக சிம்ரனை நடிக்க வைக்கவே முயற்சியும் செய்து இருக்கிறார்கள். இப்படியான ஒரு சூழலில் சிம்ரன் பீக்கில் இருந்த நேரத்தில் இயக்குனர் சொல்லியும் கூட நடிகர் கமல்ஹாசன் தன்னுடைய படத்தில் சிம்ரன்  நடிக்கவே வேண்டாம் என்று கூறிவிட்டாராம்.

அது என்ன திரைப்படம் என்றால் இயக்குனர் மௌலி இயக்கத்தில் கடந்த  2002 ஆம் ஆண்டு வெளிவந்த  ‘பம்மல் கே சம்பந்தம்’ திரைப்படம் தான். இந்த திரைப்படத்தில் கமல்ஹாசனுக்கு ஜோடியாக சிம்ரன் தான் நடித்திருந்தார். ரமேஷ் கண்ணா, அப்பாஸ், சினேகா பிரசன்னா உள்ளிட்ட பல பிரபலங்கள் முக்கியமான கதாபாத்திரங்களில் நடித்திருந்தார்கள். படத்திற்கு இசையமைப்பாளர் தேவா இசையமைத்து இருந்தார்.

இந்த திரைப்படத்தின் கதை எல்லாம் பேசி முடித்த பிறகு படத்தில் ஹீரோயினாக யாரை நடிக்க வைக்கலாம் என்ற பேச்சுவார்த்தை போய்க்கொண்டிருந்த சமயத்தில் இயக்குனர் மௌலி படத்தில் சிம்ரனை நடிக்க வைக்கலாம் என்று கூறினாராம். அதற்கு கமல்ஹாசன் இல்லை இல்லை சிம்ரன் வேண்டாம் நல்ல தமிழ் தெரிந்த யாரையாவது நடிக்க வைக்கலாம் என்று கூறினாராம்.

அதற்கு இயக்குனர் மௌலி இல்லை நான் சிம்ரனுடன் நடித்திருக்கிறேன் அவர் இந்த படத்திற்கு சரியாக இருப்பார் என்று கூறினாராம். ஆனால், இயக்குனர் இப்படி பல விஷயங்களையும் கூறியுமே  கமல்ஹாசன் வேண்டவே வேண்டாம் என்று அடம் பிடித்தாராம். பிறகு தான் இயக்குனர் இவ்வளவு சொல்கிறார் என்று சிம்ரனை நடிக்க வைக்க ஒப்புக்கொண்டாராம். பிறகு படத்தில் அவர்களுடைய காம்பினேஷன் நன்றாக இருந்ததால் அடுத்ததாக தொடர்ச்சியா இணைந்து படங்களிலும் நடித்தார்கள் என்பது குறிப்பிடத்தக்கது.