மீண்டும் மிரள வைக்க வருகிறது ராட்சசன் – 2.!

விஷ்ணு விஷாலின் ராட்சசன் படத்தின் இரண்டாம் பாகத்தின் ஸ்கிரிப்ட் தயாராகி வருவதாக இயக்குநர் அறிவித்துள்ளார்.

கடந்த 2018ம் ஆண்டு ராம்குமார் இயக்கத்தில் விஷ்ணு விஷால் நடிப்பில் வெளியான திரைப்படம் ராட்சசன். விஷ்ணு விஷாலுக்கு ஜோடியாக அமலாபால் நடித்திருந்த இந்த திரைப்படத்தில் அம்மு அபிராமி, ராதாரவி, கருணாகரன், வினோதினி உள்ளிட்ட பலர் முக்கிய வேடங்களில் நடித்திருந்தார்கள். ஜிப்ரான் இசையமைத்த இந்த திரில்லர் கலந்த திரைப்படம் ரசிகர்களை மிரள வைத்து வசூல் ரீதியாக மெகா ஹிட்டானது. இந்த படம் விஷ்ணு விஷாலின் திரைப்பயண வாழ்க்கையில் சிறந்த வெற்றி படமாக திகழ்ந்தது.

சமீபத்தில் ஐ.எம்.டி.பி இணையதளத்தில் தமிழ் படங்களில் அதிகமான புள்ளிகளை பெற்ற படமாக ராட்சஷன் திகழ்ந்தது. இந்த நிலையில் விஷ்ணு விஷால் ராம்குமாரிடம் ரசிகர் ஒருவர் ராட்சசன் படம் இரண்டாம் பாகத்திற்கு தகுதியானது என்று கூற விஷ்ணு விஷால் இயக்குநரிடம் ஸ்கிரிப்ட் தயாரா என்று கேள்வி எழுப்பியுள்ளார். அதற்கு இயக்குநர் ராம்குமாரும் போய்ட்டிருக்கு என்று பதிலளித்துள்ளார். எனவே மீண்டும் மிரள வைக்க ராட்சசன் படத்தின் இரண்டாம் பாகம் உருவாகிறது உறுதி செய்யப்பட்டுள்ளது.

For sure…:)@dir_ramkumar #RATSASAN2 script ready ah? https://t.co/iggMGgVzoS

— VISHNU VISHAL – stay home stay safe (@TheVishnuVishal) August 17, 2020