விபத்தில் சிக்கிய சமந்தா – விஜய் தேவரகொண்டா.! அதிர்ச்சியில் ரசிகர்கள்…

தமிழ், தெலுங்கு ஆகிய மொழிகளில் முன்னணி நடிகையாக வளம் வரும் சமந்தா தற்போது விஜய் தேவரகொண்டாவுக்கு ஜோடியாக “குஷி” என்ற படத்தில் நடித்து வருகிறார். இந்த படத்தை இயக்குனர் விஜய் நிர்வாணா என்பவர் இயக்கி வருகிறார்.

இந்த படத்திற்கான முதற்கட்ட படப்பிடிப்பு காஷ்மீரில் நடந்து முடிந்தது. இந்த நிலையில், படத்தின் படப்பிடிப்பின் போது, நேற்று காஷ்மீரின் பஹல்காம் பகுதியில் அதிரடி ஆக்சன் காட்சி ஒன்று படமாக்கப்பட்டு வந்தது.

அப்போது ஒரு காட்சியின் போது இருவரும் வாகனத்தில் அந்த ஆற்றை கடந்து செல்வது போல எடுக்கப்படும் போது, எதிர்பாரா விதமாக கீழே தவறி ஆற்றில் மூழ்கினர். இதனை பார்த்த படக்குழுவினர்  உடனடியாக விரைந்து இருவரையும் பத்திரமாக மீட்டனர்.  அதன்பின், விஜய்தேவரகொண்டா வுக்கும் உடனடியாக முதலுதவி அளிக்கப்பட்டது.

இருவருக்கும் முதுகில் சற்று வலி அதிகமாக இருந்ததால் படப்பிடிப்பு நிறுத்தப்பட்டு, அவர்கள் ஓய்வு எடுப்பதற்காக ஓட்டலுக்கு அனுப்பி வைக்கப்பட்டனர். பின்னர் இவர்களுக்கு பிசியோதெரபி அளிக்கப்பட்டது. இதையடுத்து இருவரும் குணமாகி உள்ளனர்.