ஜெயிலர் 2 ரெடி ஆயிட்டு இருக்கு! ரகசியத்தை கசியவிட்ட பிரபல நடிகை?

இயக்குனர் நெல்சன் இயக்கத்தில் நடிகர் ரஜினிகாந்த் நடிப்பில் வெளியாகி மிகப்பெரிய ஹிட் ஆன ஜெயிலர் படத்தின் இரண்டாவது பாகம் உருவாகவுள்ளதாக தகவல்கள் வெளியாகி இருந்த நிலையில், தற்போது முதல் பாகத்தில் ரஜினியின் மருமகளாக நடித்திருந்த நடிகை மிர்னா மேனன் பேட்டி ஒன்றில் ஜெயிலர் 2 உருவாவதாக தெரிவித்துள்ளார்.

Read More –சைலண்டாக அடுத்த சம்பவத்திற்கு தயாரான லெஜண்ட் அண்ணாச்சி!

இது குறித்து பேசிய நடிகை மிர்னா மேனன் ” ஜெயிலர் பாகம்-2 பற்றி நெல்சன் சாரிடம் பேசினேன், அவர் “ஸ்கிரிப்ட் வேலைகள் நடந்து கொண்டிருக்கிறது” என்று கூறினார்.  அதனை கேட்டவுடன் நான் மிகவும் மகிழ்ச்சியாகவும் உற்சாகமாகவும் இருந்தேன். நான் படத்தின் ஒரு பகுதியாக இருக்கிறேனா என்று எனக்குத் தெரியவில்லை.

Read more- 24 மணி நேரத்தில் மன்னிப்பு கேளுங்க…த்ரிஷா அனுப்பிய வக்கீல் நோட்டீஸ்.!

ஏனென்றால் அவர் கதாபாத்திரத்தை நீட்டிக்க விரும்பினால், நான் அதில் ஒரு பகுதியாக இருப்பேன், அது முழுக்க முழுக்க இயக்குனரின் சுதந்திரம். படத்தில் நடிக்க வாய்ப்பு வந்தால் கண்டிப்பாக நடிப்பேன். ரசிகர்களை போலவே நானும் படத்திற்காக மிகவும் ஆவலுடன் காத்திருக்கிறேன் என்றும் நடிகை மிர்னா தெரிவித்துள்ளார். ஜெயிலர் 2 உருவாகவுள்ளதால் ரசிகர்கள் உற்சாகத்தில் உள்ளனர்.

மேலும், நடிகர் ரஜினிகாந்த் தற்போது இயக்குனர் ஞானவேல் இயக்கத்தில் உருவாகி வரும் வேட்டையன் திரைப்படத்தில் நடித்து வருகிறார். இந்த திரைப்படத்திற்கு பிறகு லோகேஷ் கனகராஜ் இயக்கத்தில் உருவாகவுள்ள தன்னுடைய 171 -வது திரைப்படத்தில் நடிக்கவுள்ளார். அதன்பிறகு ஜெயிலர் 2-வது பாகத்தில் நடிப்பார் என எதிர்பார்க்கப்படுகிறது.